Новости по теме

20 Чÿк, 2015

ÇАНТАЛĂК ÇИНЧЕН

Канмалли кунсенче республикăра пĕлĕтлĕ çанталăк пулать, юр е вырăн-вырăнпа йĕпе юр çăвать, çил-тăман вĕçтеркелет. Чÿк уйăхĕн 20-мĕшĕнче кăнтăрла - 3 градус сивĕрен пуçласа 2 градус ăшă, каçхине 1-6 градус сивĕ пулать. Чÿк уйăхĕн 21-мĕшĕнче кăнтăрла - 2 градус сивĕрен пуçласа 3 градус ăшă, каçхине - 4 градус сивĕрен пуçласа 1 градус ăшă. Çил кăнтăр-хĕвелтухăç енчен 10-17 метр хăвăртлăхпа вĕрет. Атăл шывĕ 1-2 градус ăшă тăрать, пĕчĕк юханшывсенче - 0 градус. Хĕвел ирхине 7 сехет те 40 минутра тухать, каçхине 15 сехет те 30 минутра анать.

Çанталăк
19 Чÿк, 2015

Юбилее пĕрле уявлар-и?

Чăваш яш-кĕрĕмĕпе хĕр-упраçĕ валли уйрăм хаçат пирвайхи хут 1925 çулхи раштавăн 12-мĕшĕнче тухнă. Пурăна киле ячĕ пĕрре мар улшăннă: «Çамрăк колхозник», «Çамрăк большевик», «Çамрăк коммунист», «Молодой коммунист». 1996 çултанпа вăл «Çамрăксен хаçачĕ» ятпа пичетленет. Асăрхарăр-и: чăваш çамрăкĕсем валли ятарлă хаçат тухма пуçланăранпа 90 çул çитрĕ.

Çак юбилее эпир вулаканăмăрсемпе пĕрле паллă тăвасшăн.

Уяв раштавăн 3-мĕшĕнче Чăваш патшалăх пукане театрĕнче /адресĕ - Шупашкар хули, Президент бульварĕ, 15-мĕш çурт/ иртĕ.

Çамрăксем
19 Чÿк, 2015

Чăваш каччи - черетлĕ çул çÿревре

Никита Васильев Казахстан çеçен хирне курнă хыççăн Владивостока çитесшĕн

Чăваш велоçÿревçи Никита Васильев пирки эпир çырнăччĕ. 23 çулти яш 14 уйăхра çĕршывăмăрăн тĕрлĕ кĕтесĕнче çеç мар, Азербайджанри, Грузири, Арменири тĕрлĕ хулара пулса курнă. Икĕ кустăрмаллă ут çине лариччен вăл çуран çÿренĕ. Çапла Украинăпа Беларуçа курса çаврăннă, Кавказ çĕрĕнче пурăнакан халăхсен йăли-йĕркипе паллашнă Никита тепĕр çул çÿреве каяссине те пĕлтернĕччĕ. Юпа уйăхĕн 17-мĕшĕнче вăл çула тухнă. Тĕллевĕсем пысăк унăн: каччă Казахстан çеçен хирĕпе киленсе Узбекистана, Таджикистана, Кăркăсстана çитесшĕн. Унта хĕл каçнă хыççăн Байкал тăрăхне кайса курасшăн. Çĕпĕр урлă Владивостока çул тытма палăртнă вăл.

Çамрăксем
19 Чÿк, 2015

Шупашкарта тĕнче чемпионачĕ иртĕ-и?

Нумаях пулмасть çеç Шупашкарта çăмăл атлетика енĕпе Европăн команда чемпионачĕ иртнĕччĕ. Çак ăмăртăва çÿллĕ шайра йĕркеленине пирĕн республикăна килнĕ сумлă хăнасем пĕрре мар палăртрĕç. Тепĕр çул тĕп хуламăрта хăвăрт утас енĕпе тĕнче команда чемпионачĕ иртмелле. Анчах çак кунсенче уяр çанталăкра аслати çапнăн хыпар янăрарĕ: Çăмăл атлетика федерацийĕсен Пĕтĕм тĕнчери ассоциацийĕ Раççей спортсменĕсене тĕнче шайĕнче иртекен ăмăртусенчен хăтарнă.

Спорт
19 Чÿк, 2015

Каллех — "ылтăн"

Шупашкарта пурăнакан Алексей Германовпа Чăваш Ен чăннипех те мухтанма пултарать. Çамрăк спортсмен çитĕнÿсемпе савăнтарать. Хальхинче те вăл Португалире спорт аэробики енĕпе иртнĕ Европа чемпионатĕнчен çĕнтерÿпе таврăннă.

Спорт
19 Чÿк, 2015

Наци эрешĕллĕ чăрăш

Шупашкар Çĕнĕ çула хатĕрленме тытăнать. Тĕп чăрăша мĕнлерех хитрелетесси паллă.

Республика тÿремĕнче наци эрешĕсемлĕ 25 метр çÿллĕш чăрăш вырнаçтарĕç. Ăна тĕрлĕ калăпăшлă 60 çăлтăрпа, наци символĕсемпе килĕшÿллĕн, илемлетĕç. Хĕрлĕ тÿремре уяври тĕп мероприятисем иртĕç. Унти Çĕнĕ çул фонтанне «Тухья» арт-объектпа ылмаштарма сĕннĕ. Правительство çурчĕ умĕнче «Пурнăç йывăçне» вырнаçтарĕç.

Хула
19 Чÿк, 2015

"Асаттелĕх" çук тесен те…

Челябинск облаçĕнчи Шагол хулинче çар тивĕçне пурнăçлакан чăваш салтакĕ «асаттелĕх» пусмăрне лекнине ural1.ru портал пĕлтерет. Пирĕн ентеш кăна мар, Алтай тата Мордва тăрăхĕсенчи çамрăксем те аслисенчен хур курнă. Юпа уйăхĕнче пулнă çакă.

Пулса иртни
19 Чÿк, 2015

Акци йĕркеленĕ

12 тоннăран ытла таякан фурăсене федераци çулĕсемпе çÿренĕшĕн укçа тÿлеттересси пирки сас-хура тухсан дальнобойщиксем çакна хирĕç акци йĕркеленĕ. Чÿкĕн 11-мĕшĕнче Шупашкар районĕнчи Хыркасси çывăхĕнче 100 яхăн фура колоннăпа çÿренĕ.

Пулса иртни
19 Чÿк, 2015

Таптаса вĕлернĕ… пахчарах

Патăрьел следователĕсем 53 çулти арçын тĕлĕшпе пуçарнă уголовлă ĕçе тишкерсе вĕçне тухнă, ăна çынна асăрхамасăр вилĕм кÿнĕшĕн айăпласшăн.

Следстви версийĕ çапларах: кăçалхи авăнăн 11-мĕшĕнче Нăрваш Шăхаль ялĕнче тырă пушатнă хыççăн «Соболь» автомашинăн ÿсĕр водителĕ пахчара çĕр улми аври çумлакан кинемее асăрхамасăр таптанă. 77 çулти хĕрарăмăн чĕри çавăнтах тапма чарăннă. Ĕç-пуçа район сучĕ çак кунсенчех пăхса тухĕ.

Ял хуçалăхĕ
Пулса иртни

Pages

Хыпарсем