Патăрьел районĕнчи Тури Чакăри Культура çурчĕ çумĕнчи «Чемен» фольклор ушкăнĕ чăвашсен Патриархĕн Иван Яковлевăн тăван çĕршывĕнче - Тутар Республикинчи Кăнна Кушки ялĕнче - пулнă. Делегацие ЧР культура министерствин пай ертÿçи Сергей Казаков ертсе пынă.
Çĕнĕ Шупашкарти строительство организицийĕн 38 çулти ĕçченĕ судпа айăпланнă. Унăн тимсĕрлĕхне пула рабочи пуçне вăйлах амантнă.
16 хутлă çурт хăпартнă çĕрте пулнă ку ĕç-пуç. Кăçалхи çу уйăхĕн 25-мĕшĕнче стройорганизацийĕн ĕçченĕ айккине пăрăннăран объектра вăй хуракансене хăйсене çеç хăварнă. Çавăнпах ĕçе хăш йĕркепе туса пынине тĕрĕслеймен, хурăшсăрлăх йĕркине пăхăнмаллине те ăнлантарман. Тимлĕхе çухатнă арçынна металл арматура пуçран пырса çапнă - вăйлах амантнă, пуç шăмми те хуçăлнă.
Татьяна НИКОЛАЕВА.
Алтай Республикинче 6 çул федераци шыравĕнче пулнă Канаш район çыннине тытса чарнă. Ăна экстремизмла ĕçсем тума пултарнă тесе айăплаççĕ.
Следстви версийĕ тăрăх, саккуна пăснăскер 2007-2009 çулсенче ниционалистсен ушкăнĕнче тăрса Канаш хулинче халăх нумай çÿрекен вырăнсенче тĕрлĕ хут, видео салатнă. Вĕсем вара ытти наци çынни тĕлĕшĕпе курайманлăх çуратма, пуçлăхсене вăйпах ĕçрен кăларттарма хистенĕ.
Чăваш Республикинче «Хут бумĕ» экологи проекчĕ вăй илчĕ. Макулатура пуçтарас ĕçе ЧР Çутçанталăк министерстви тата «ЭКА» общество организацийĕ пуçарса янине палăртмалла.
Экологи рейтингĕнчен «Хут бумĕ» проекта Шупашкарти, Çĕнĕ Шупашкарти, Çĕмĕрлери, Канашри, Çĕмĕрле районĕнчи 13 шкул хутшăнни паллă. Çĕнĕ Шупашкарти 2-мĕш, Шупашкарти 54-мĕш, Çĕмĕрлери 1-мĕш вăтам шкул вĕренекенĕсем - чи хастаррисем.
ЧР Правительствин пуçлăхĕ Иван Моторин паян хуласемпе районсен администрацийĕсен пуçлăхĕсемпе видеоконференци мелĕпе канашлу ирттерчĕ.
Халăхсен пĕрлĕхĕн кунĕнче Мускавра Раççей Общество палати йĕркеленипе «Эпир пĕрле!» акци иртнĕ. Унта Раççей Президенчĕ Владимир Путин та хутшăннă, вăл Мининпа Пожарский палăкĕ умне чечексем хунă, Хĕрлĕ тÿремре çамрăксемпе пĕрле сăн ÿкерттернĕ, çĕршывăмăр мĕн авалтанах тĕрлĕ халăх ырă шухăш-кăмăлпа пĕрлешнĕрен хăватлă та никам çĕнтерейми пулни çинчен сăмах каланă.
Юпа уйăхĕн 27-мĕшĕнчен пуçласа ноябрĕн 1-мĕшĕччен Улатăр тăрăхĕнчи «Присурский» заповедник ĕçченĕсемпе волонтерсем шыв-шурлă вырăнсене пăхса тухнă, хăнтăр, шашкă, ăтăр тата ондатра шутне палăртнă. Çакнашкал шутлав ĕçĕ ăслăлăх тĕпчевĕсем валли кирлĕ. Чĕрчунсен йышне палăртас тĕллевпе çулсеренех ирттереççĕ ăна.
Мускавра чăваш халăхĕн паллă спортсменне, Олимп вăййисен бронза призерне Ардалион Игнатьева халалласа çĕршывăн тĕп хулинче тĕпленнĕ чăвашсен пĕрремĕш кросĕ иртнĕ.
Чÿк уйăхĕн 3-мĕшĕнче ЧР Шалти ĕçсен министерствинче видеоконференци мелĕпе районсемпе хуласенчи территори подразделенийĕсемпе канашлу иртнĕ. Унта шалти ĕçсен министрĕ Сергей Семенов хăй шалти ĕçсен органĕсенчи службăпа сыв пуллашни çинчен пĕлтернĕ.
Чăн Таса Турă Амăшĕн Хусанти турăшне аслăласа уянă кун, чÿк уйăхĕн 4-мĕшĕнче, Шупашкар тата Чăваш Митрополичĕ Варнава пиллĕхĕпе Чăваш Енре çĕр çинче те, тÿпере те Хĕреслĕ çул иртрĕ.
Чăн Таса Турă Амăшĕн Хусанти турăшĕ тÿпене çĕкленнĕ
Чăвашла верси
Русская версия
