2016 çулта ялхуçалăх çыравне ирттересси пирки тахçанах пĕлтернĕччĕ. Халĕ ăна ирттермешкĕн хатĕрленеççĕ. Ун валли талисман та шухăшласа тупнă. Октябрь уйăхĕн 14-мĕшĕнче вара ялхуçалăх çыравне халалланă викторина старт илнĕ.
Дагестан Республикинчи Хасавюрт хулинче ирĕклĕ кĕрешÿ енĕпе континентсен хушшинчи VII кубок иртнĕ. Ăна XIX-XX ĕмĕрсенче палăрнă спортсменсене халалланă.
Нумаях пулмасть Мускавра Пĕтĕм Раççейри "Çулталăкри чи лайăх тухтăр" конкурс çĕнтерÿçисене чысланă. Çĕнтерÿçĕсене РФ сывлăх сыхлав министрĕ Вероника Скворцова саламланă.
Чăваш Енрен унта Республикăри онкодиспансерăн хирурги уйрăмĕн заведующийĕ Сергей Агафонкин кайнă. Унсăр пуçне конкурсра пирĕн республикăри тепĕр икĕ тухтăр палăрнă. "Чи лайăх офтальмолог" номинацире Республикăри офтальмологи клиника больницин тухтăрĕ Татьяна Наумова 3-мĕш вырăн йышăннă. Республикăри туберкулезпа кĕрешекен диспансерăн фтизиатрĕ Надежда Апраксина "Чи лайăх фтизиатр" номинацире 3-мĕш вырăна тухнă.
ЧР экономика министрĕ Владимир Аврелькин республикăри массăллă информаци хатĕрĕсенче ĕçлекенсем валли ирттернĕ пресс-конференцире шалу ÿсĕмĕпе, ĕç укçин парăмĕпе, СУОР тата ытти компанипе çыхăннă ыйтусене хускатрĕç.
«Кăçалхи тăхăр уйăхра ЧР Наркотĕрĕслев управленийĕ 299 преступление тупса палăртнă. Уголовлă ĕç пуçарнă вăхăт тĕлне вунă килограмм ытла наркотик, çак шутра мăкăнь улăмĕ, героин, марихуана, гашиш, синтетика хутăшĕсем, туртса илнĕ», - пĕлтерет управленин пресс-служби.
ЧР Наркотĕрĕслев управленийĕн пресс-служби пĕлтернĕ тăрăх - иртнĕ кунсенче наркополицейскисем преступниксен ушкăнне тытса чарнă.
Чи малтан наркотĕрĕслев ĕçченĕсен куçĕ тĕлне Шупашкар çынни лекнĕ. Унччен те судпа айăпланнăскер тÿрĕ çул çине тăрас темен курăнать. Гашиш сутма пикеннĕскере пакунлисем тытса чарнă. Арçын айăпне çирĕплетекен хутăш та алă айĕнчех пулнă - автомобиль салонĕнче 30 грама яхăн наркотик тупнă.
Чăваш Енре Раççей шайĕнчи «Пирĕн ачасен сывлăхĕшĕн тата хăрушсăрлăхĕшĕн» акци иртет. ЧР Наркотĕрĕслев управленийĕн ĕçченĕсем Шупашкарти коопераци техникумĕнче черетлĕ профилактика мероприятийĕ ирттерчĕç.
Çын пурнăçĕ татăлнă та - Вăрнар районĕнчи Кăмашра пулнă çак инкек тĕлĕшпе Следстви комитечĕн Çĕмĕрлери пайĕ уголовлă ĕç пуçарнă. УК 143 статйи - ĕç сыхлавĕн правилисене пăснă май асăрханмасăр çынна вилĕм кÿни.
Вырăнти сысна комплексĕн 37 çулти ĕçченĕн, ÿсĕрскерĕн, телефонĕ тырă типĕтекен участокăн бункерне ÿкнĕ. Унта кĕме юрамасть - питĕрмелле пулнă ĕнтĕ, анчах арçын бункера пĕр чăрмавсăрах кĕнĕ. Çав самантра çÿлтен ун çине тырă йăтăнса аннă... Тырă айне пулнăскер çавăнтах вилнĕ.
Бюджет укçипе тĕллевсĕр усă курнă тесе Вăрмар районĕн сучĕ район прокуратурин тавăçне тĕпе хурса потребительсен «Тăвай кооперативĕ» обществинчен республика хысни валли 819 пин тенкĕ ытла шыраса илме йышăннă.