Халĕ ял-салари чылай пÿрт тăрринче, айккинче турилкке çакăнса тăрать, çавăнпа таçти аякри тĕттĕм кĕтесре пурăнакансем те 500 телеканалтан сахал мар кураяççĕ. Вĕсенчен пĕринче - "Пятница" ятлинче - çамрăксен, аслă ÿсĕмрисен кăмăлне каякан кăларăм пур. Вăл "Ревизорро" ятлă.
Республика Пуçлăхĕн Михаил Игнатьевăн сентябрĕн 7-мĕшĕнчи Указĕпе килĕшÿллĕн 2016 çул Чăваш Енре Ĕç çыннин çулталăкĕ пулĕ. Чăвашра ĕçлекен çын яланах хисепре пулнă. Документра палăртнă тăрăх, хальхи экономика условийĕсенче ĕç çыннине патшалăх шайĕнче обществăна хăват паракан вăй пек йышăнмалла. Экономика аталанăвĕ те, халăх пурнăçĕн ытлăх-çитлĕхĕ те, пахалăхĕ те унран нумай килет. Çавăн пекех «Ĕç çыннин» çулталăкне халалланă мероприятисем çитĕнекен ăрăва ĕçе хисеплеме тата юратма вĕрентĕç, республикăн социаллă ыйтăвĕсене татса пама пулăшĕç.
ЧР Патшалăх Канашĕн черетлĕ 32-мĕш сессийĕ, эрне каялла уçăлнăскер, ĕнер малалла ĕçлерĕ. Кун йĕркинчи ыйтусем нумай мар та - депутатсем вĕсене пĕр сехетрех тишкерсе пĕтерчĕç.
Чăваш Республикин Пуçлăхĕ Михаил Игнатьев Чăваш Енри Общество палатин председателĕпе Алексей Судленковпа ĕçлĕ тĕлпулу ирттернĕ. А.Судленков общество организацине 2015 çулхи июнь уйăхĕн 29-мĕшĕнчен ертсе пырать.
Патăрьел районĕн прокуратури хевтесĕр çынсем социаллă инфратытăм об<екчĕсемпе чăрмавсăр усă курассине тивĕçтерекен саккунсене мĕнле пурнăçланине тĕрĕсленĕ. Чылай çитменлĕхе тупса палăртнă.
Елчĕкри историпе таврапĕлÿ музейĕнче йывăçа эрешлесе касакан Борис Пятаковăн «Чăнлăх - илемре» куравĕ уçăлнă. Ăна уçнă çĕре Елчĕк район администрацийĕн культура пайĕн пуçлăхĕ Антонина Александрова, культура ĕçченĕсем, Борис Михайловичăн тăванĕсем, юлташĕсемпе ĕçтешĕсем хутшăннă.
Элĕк салинче Совет Союзĕн Геройĕ Мирон Ефимович Ефимов летчик çуралнăранпа 100 çул çитнине уявланă.
Пĕтĕм тĕнчери массăллă спорта аталантарма пулăшакан ассоциаци йĕркеленипе 1991 çултанпа Пĕтĕм тĕнчери утмалли куна паллă тăваççĕ. Октябрĕн пĕрремĕш шăматкунĕнче 150 çĕршывра пурăнакан пин-пин çын палăртнă вырăна утма тухать. Пĕлтĕр çак уява пирĕн патра та ирттерме пуçларĕç. Вăл Шупашкарта «Раççей - спорт çĕршывĕ» форум вăхăтĕнче старт илчĕ.
Чăваш Ен Пуçлăхĕ Михаил Игнатьев ĕнер Правительство членĕсемпе, федерацин ĕç тăвакан влаç органĕсен тата муниципалитетсен ертÿçисемпе канашлу ирттернĕ.
Импорт вырăнне - хамăрăн продукци
Октябрĕн 3-мĕшĕнче Пĕтĕм тĕнчери «Сочи-2015» инвестици форумĕнче Чăваш Ен Пуçлăхĕ Михаил Игнатьев Правительствăн импорта улăштарас енĕпе ĕçлекен комиссийĕн Дмитрий Медведев премьер-министр ертсе пынипе иртнĕ ларăвне хутшăннă.
Чăвашла верси
Русская версия
