Новости по теме

4 Авăн, 2015

Саламлатпăр

Чăваш Республикин Пуçлăхĕн 2015 çулхи сентябрĕн 1-мĕшĕнче кăларнă 114-мĕш Указĕпе килĕшÿллĕн потребительсен кооперацийĕн тытăмне аталантарас ĕçе пысăк тÿпе хывнăшăн Чăваш Республикин Потребительсен обществисен союзне ЧĂВАШ РЕСПУБЛИКИН ХИСЕП ГРАМОТИПЕ наградăланă.

***

4 Авăн, 2015

Суд тенкелĕ çинче - садик заведующийĕ

Çĕнĕ Шупашкарти муниципалитетăн ача сачĕсенчен пĕрин заведующийĕ пулнăскер суд тенкелĕ çине ларнă. Ăна служба вырăнĕпе усă курса улталанăшăн тата службăри ултавшăн айăпланă. Хĕрарăма 6 уйăхлăха условнăй майпа ирĕклĕхсĕр хăварнă, 5 пин тенкĕлĕх штрафланă.

4 Авăн, 2015

Эрнипех катаччи чупнă

Следстви комитечĕн Шупашкарти Мускав районĕн пайĕ харăсах тăватă çын тĕлĕшпе пуçарнă уголовлă ĕçе тĕпчесе пĕтернĕ. 16 çулти виçĕ каччă тата вĕсен 21-ри тусĕ вăрăпа çакланнă.

Преступленисенчен пĕри кăçалхи январĕн 4-мĕшĕнче каçхине пулнă. Туссем Шупашкарăн Кăнтăр-хĕвеланăç районĕнчи пĕр гараж çăрине ватнă та шала кĕнĕ, унти "Лифан" автомобиле вăрласа тухнă. Пуçтахсем ют машинăпа ултă кун катаччи чупнă. Татах та çÿретчĕç пуль те - январĕн 10-мĕшĕнче каçхине туссене полици чарнă.

4 Авăн, 2015

"Вĕри" юрату

Юрату пирки каланă чух "хĕрÿллĕ" тени тĕрĕсрех-ха ĕнтĕ, анчах ку тĕслĕхре "вĕри" сăмах вырăнлăрах. Шăпах "вĕри юратăва" пула 50 çулти хĕрарăм тĕлĕшпе уголовлă ĕç пуçарнă, ăна Шупашкар районĕн сучĕ тишкерсе приговор палăртнă ĕнтĕ.

Хĕрарăм упăшкипе хирĕçнĕ. Ÿсĕрскер арçынна капла çĕнтереймессе ăнланнă-ши - тавăрмалли урăх мел тупнă. Тискер мел. Çĕрле 15 литрлă кастрюльпе шыв вĕретнĕ. Унтан савăта çĕклесе упăшки çывăракан пÿлĕме кĕнĕ те вĕри шыва арçын çине тăкнă.

4 Авăн, 2015

Хĕре питĕ шел

Шупашкарти Мир проспектĕнчи çуртсенчен пĕрин патĕнчи çÿп-çап контейнерĕнче хĕр виллине тупнă. Унăн ÿтне касса икке пайланă та - вĕлерни куçкĕрет. Çак тĕслĕхпе Следстви комитечĕн Калинин районĕнчи пайĕ çийĕнчех Уголовлă кодексăн 105 статйин 1-мĕш пайĕпе уголовлă ĕç пуçарнă.

3 Авăн, 2015

Хăйсен тивĕçне манмаççĕ

Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев Правительствăра тунтикунсерен иртекен пĕр канашлура: «Хуçалăхсенче пĕр комбайн та ĕçсĕр ан лартăр!» - тенĕччĕ. Чĕнсе каланă сăмах механизаторсем патне çитрĕ пулас.

3 Авăн, 2015

Пирĕн хĕрсем, эх, маттур-çке!

Чăваш Енри ирĕклĕ мелпе кĕрешекен хĕрсем уйрăмах маттур пулнине чылайăшĕ тĕнче шайĕнчи ăмăртусенче çĕнтерсе ĕнентернĕ.

Спортпа кăсăкланакансемшĕн пĕртăван Смирновăсемпе Наталья Гольцăн, Надежда Федоровăпа Екатерина Красновăн ячĕсем, паллах, питĕ паллă. Олимп вăййисенче, тĕнче чемпионачĕсенче, Европа турнирĕсенче пысăк çитĕнÿсем тунă вĕсем. Паянхи хĕр-упраçшăн та - ырă тĕслĕх, вĕсен ÿсĕмĕсем çамрăксене ăмăртусенче ăнăçлă кĕрешме хавхалантарса тăраççĕ.

3 Авăн, 2015

Шалу тÿлемен

Шупашкарти Калинин районĕн прокуратури тĕрĕслев ирттернĕ май «Империал» строительство компанийĕ» ОООра ĕçлекенсен прависене пăснине тупса палăртнă.

Компани директорĕ 10 çынна вăхăтра шалу тÿлемен - пĕтĕмпе 800 пин ытла тенкĕ. Обществăн тÿлев шучĕ çинче ĕç укçи валли «кĕмĕл» çителĕклĕ пулнă - пурпĕр ĕçлекенсене кÿрентернĕ.

Тĕрĕслев материалĕсене следстви органĕсене панă май компани директорĕ пирки «организаци ертÿçи икĕ уйăх ытла ĕç укçи тÿлеменшĕн» уголовлă ĕç пуçарнă.

3 Авăн, 2015

Шахмат «полковникĕ» яланах стройра

Республикăри шахматистсенчен чылайăшĕ ăна тахçантанпах лайăх пĕлет. Çĕрпÿ районĕнчи Патăрьел ялĕнче пурăнакан Самуил Дмитриевпа тĕрлĕ турнирта пĕрле вылянă е вылякан - сахал мар. Çак кунсенче вăл 85 çулхи юбилейне паллă турĕ. Тус-тăванпа, ялйышпа, шахмат вăййине юратакансемпе пĕрле.

Pages