Авăн уйăхĕн 2-мĕшĕнче Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев республикăри икĕ пысăк организацине «ЧЗСМ» тата «Текстильмаш» АУПсене çитсе килнĕ. «ЧЗСМ» АУП ра Михаил Игнатьев производство ĕçĕпе паллашнă, цехсене пăхса çаврăннă.
Чăваш патшалăх гуманитари ăслăлăхĕсен институчĕ 85 çул тултарнине паллă тăвать. Çак ятпа çурла уйăхĕн 27-мĕшĕнче институтра савăнăçлă ĕç-пуç пулчĕ. Ăсчахсене уявпа саламлама республикăри влаçра, вĕренÿпе ăслăлăхра тăрăшакан тата общество пĕрлĕхĕсен ертÿçисем çитрĕç.Вĕсемпе пĕрле ЧНК Президенчĕн пĕрремĕш çумĕ Валерий Клементьев та пулчĕ.
ЧНК Президенчĕ, Чăваш Патшалăх Канашĕн депутачĕ тата "ТУС" строительсен фирмин ертÿçи Николай Федорович Угаслов вĕренÿ çулĕ пуçланнă ятпа саламлама паян Шупашкарти пурĕ сакăр шкула çитме ĕлкĕрчĕ!
Ашшĕ-амăшĕ пĕлÿ кунне хăйсен тĕпренчĕкĕпе ирттерме тăрăшать. Анчах аслисем тепĕр чухне ыттисен умне йывăрлăхсем кăларса тăратни пирки пач шутламаççĕ тейĕн.
Пĕлÿ кунĕ çитрĕ те - çĕнĕ вĕренÿ çулĕнчи пĕрремĕш шăнкăрав пин-пин ачана шкул партти хушшине ларма йыхăрчĕ. Ăçта мĕнле пуль те, Чăваш Енре çанталăкĕ те çĕкленÿллĕ туйăма тата вăйлатас тенĕн лайăх килсе тухрĕ: кĕрхи сулхăна сап-сарă хĕвел «çемçетес» тесе питĕ тăрăшрĕ.
Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев иртнĕ шăматкун тăван Шупашкар районĕнче пулчĕ, кунти хуçалăхсен кĕрхи ĕç-хĕлĕпе паллашрĕ, социаллă обCектсем уçрĕ, ял старостисемпе канашларĕ, Кÿкеç поселокĕнче пурăнакансене уявпа саламларĕ.
Сусăр çамрăксене професси пĕлĕвĕ илме тата ун хыççăн ĕçе вырнаçма пулăшасси, ялсемпе пĕчĕк хуласенче пурăнакансене бюджет учрежденийĕсене оптимизациленĕ вăхăтра социаллă сфера пулăшăвĕсемпе усă курма май паракан мерăсене йышăнасси - шăпах çак ыйтусене пăхса тухрĕç ЧР ĕç тăвакан влаç органĕсен РФ Президенчĕн 2012 çулхи май уйăхĕн 7-мĕшĕнчи Указĕсене пурнăçлас ĕç-хĕлне координацилекен тата вĕсенче палăртнă социаллă пурнăçпа экономика аталанăвĕн тĕллевлĕ кăтартăвĕсене пурнăçланин мониторингне ирттерекен ĕçлĕ ушкăн ларăвĕнче. Ăна Иван Моторин премьер-министр ертсе пычĕ.