Чăвашла верси
Русская версия
7 Утă, 2015
«Самантăн» 6-мĕш номерĕ пичетрен тухрĕ!
Новости по теме
7 Утă, 2015
Тĕп юсав валли нухрат хывмаллах
ЧР парламенчĕн спикерĕ Юрий Попов ертсе пынипе Правительство çуртĕнче нумай хваттерлĕ çуртсенче тĕп юсав ĕçĕсем ирттерес ыйтупа регионсен хушшинчи семинар-канашлу иртрĕ. Ĕçлĕ тĕлпулăва Киров, Оренбург, Ульяновск облаçĕсенчи, Мари Эл, Удмурт республикисенчи саккунсем йышăнакан органсен представителĕсем, ЧР Правительство членĕсем, хуласен администраци пуçлăхĕсем пухăнчĕç.
7 Утă, 2015
«Ĕç укçине вăхăтра тÿлемелле»
Июлĕн 6-мĕшĕнче Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев Министрсен Кабинечĕн членĕсемпе, федераци ведомствисен территори органĕсен тата муниципалитетсен ертÿçисемпе канашлу ирттернĕ.
7 Утă, 2015
Чăвашсен Акатуйĕнче ют çĕршыв çыннисем те савăнчĕç
Йăли çапла чăвашăн: çурхи ĕçсене вĕçлесен ака уявĕнче савăнмалла. Районсенче Акатуйсем тахçанах кĕрлесе иртрĕç, республика шайĕнче те юрласа-ташласа паллă турăмăр ăна. Иртнĕ шăматкун вара, июль уйăхĕн 4-мĕшĕнче, чăвашсен тĕп уявĕ Мускавра кĕрлерĕ.
7 Утă, 2015
Таркăна тытнă
28 çулти Петр Алексеев судпа айăпланнă та - çитес çул ирĕке тухатчĕ ĕнтĕ. Халь вара колонипе часах сывпуллашаймĕ.
Ăна пĕлтĕрхи июньте çынна хĕненĕшĕн, ют пурлăха вăрланăшăн айăпласа 2 çул çурăлăха ирĕклĕхсĕр хăварнă, колони-поселение ăсатнă. Унти режим пит çирĕп тееймĕн, апла пулин те Алексеева колонири пурнăç йăлăхтарса çитернĕ пулас - вăл кăçалхи майăн 9-мĕшĕнче каçхине Улатăр районĕнчи юсанмалли учрежденирен тухса тарнă. Ирĕкре вăрах пулайман, ăна тепĕр куннех Етĕрне районĕнчи пĕр хушма хуçалăх территорийĕнче тытса чарнă.
6 Утă, 2015
Çĕнĕ Шупашкарсем - чи хастаррисем!
Çемье ăшшине упрас тивĕç ĕлĕкренех хĕрарăм хулпуççийĕ çине тиеннĕ. Çутçанталăк пире, хĕрарăмсене, илеме, тирпейлĕхе, чунлăха пуринчен ытла туйма май панă-тăр. Тĕрлĕ саманара хĕрарăма обществăра хакласси тĕрлĕрен пулнă.
6 Утă, 2015
Çĕнĕ микрорайонсенче больницăсем кирлех
Медицина пулăшăвĕсен тата çын сывлăхне сыхлас ĕçĕн ирĕклĕ мониторингĕн "Сывлăх" фондăн ертÿçи, Пĕтĕм Раççейри Халăх фрончĕн Тĕп штабĕн членĕ Эдуард Гаврилов "Халăх фрончĕн" Чăваш Енри регион уйрăмĕн хастарĕсемпе Шупашкарăн çурт хыççăн çурт хăпартакан районĕсенчи медучрежденисене çитсе курнă.
6 Утă, 2015
Патшалăх саккасĕсем шута юратаççĕ
Саккасĕсем хăйсем мар, вĕсене пурнăçлама уйăракан укçа шута юратать. Республика прокуратури шăпах çулталăкăн пĕрремĕш çурринче патшалăх тата муниципалитет саккасĕсене вырнаçтарассипе çыхăннă надзор ĕçне пĕтĕмлетнĕ.
Пĕтĕмпе 6 уйăхра саккуна пăснин 400 ытла тĕслĕхне тăрă шыв çине кăларнă. Представленисем çырнă, 111 çынна дисциплина енĕпе явап тыттарнă, административлă правăна пăсни çинчен калакан 60 ĕç пуçарнă май 37 çын явап тытнă. Çавăн пекех малтанхи следстви органĕсене пилĕк материал панă, прокурорсен тĕрĕслевĕсен материалĕсем тăрăх икĕ уголовлă ĕç пуçарнă.
6 Утă, 2015
Броницын суд умне тăрать
Вăл Çĕмĕрлесен суд умне тăракан миçемĕш экс-пуçлăхĕ пулать-ши - калама та хĕн. Пирвайхи мар - кун пирки иккĕленÿ çук.
Çĕмĕрле прокурорĕ хула администрацийĕн пуçлăхĕ пулнă Андрей Броницын тĕлĕшпе пуçарнă уголовлă ĕçпе айăплав пĕтĕмлетĕвне çирĕплетнĕ. Ăна должноç полномочийĕсен картинчен тухнăшĕн айăплаççĕ. Уголовлă ĕçе прокуратура тĕрĕслевĕн материалĕсем тăрăх пуçарнă.
6 Утă, 2015
Футбол туслашма пулăшать
Хаçат ĕçĕпе çула час-часах тухнăран хăшпĕр районта - волейбола, Канаш енче футбола кăмăлланине пĕлетĕп. Çакна Шаккăл ял тăрăхĕн пуçлăхĕ Геннадий Степанов та çирĕплетрĕ. Кунти çамрăксем Карăклă ял тăрăхĕн спортсменĕсемпе туслăх матчĕсем ирттернине палăртрĕ.
