Çутçанталăк илемĕшĕн, тасалăхĕшĕн тăрăшакансемшĕн "Парксен маршĕ" акци çав тери çывăх. Тĕнче шайĕнче иртет вăл. Пĕрлешнĕ Нацисен Организацийĕ кăçал çак акцие тăпрана халалланă. Биотытăмра вăл хăйĕн тĕллевне пурнăçламан пулсан Çĕр çинче пурнăç пулмĕччĕ.
"Вăрман çĕрĕ ирĕклĕ, мĕн тăвас тетĕп - çапла хăтланатăп", - шухăшпа пурăнма хăнăхнă пулас хăшĕ-пĕри. Малашне виçесĕр хăпартланма май килмĕ. Çакна, тĕслĕхрен, Муркаш район сучĕ пăхса тухнă ĕç аван çирĕплетсе панă.
Республикăн Çутçанталăк министерствин ятарлă дирекцийĕ кăçалхи апрель-сентябрь уйăхĕсенче "Чăваш Республикин Хĕрлĕ кĕнекинчи ÿсен-тăран" ятпа фотоконкурс ирттерет. Унта кирек кам та хутшăнма пултарать. Республикăн Хĕрлĕ кĕнекине кĕртнĕ ÿсен-тăрана ытларах ÿкерсе /фотоаппаратпа е телефон çине/ çак электрон адреспа ярса пама ан ÿркенĕр: doopt@cbx.ru. Апрелĕн 1-мĕшĕнчен пуçласа сентябрĕн 1-мĕшĕччен республика территорийĕнче тунă фотоÿкерчĕксем пулмалла. Конкурс ĕçĕсене сентябрĕн 1-мĕшĕччен йышăнаççĕ, октябрĕн 1-мĕшĕнче пĕтĕмлетеççĕ.
Техника аталанăвĕ малтан мала чупать. Тепĕр чухне тĕлĕнсе: "Кама çĕнтересшĕн-ши, кам умĕнче хуçа пуласшăн-ши вăл?" - тетĕн. Çĕр çинче темĕн пек ăслă япала шухăшласа кăларсан та çутçанталăкран вăйли, асли çук. Тулхăрнă самантра унăн вăйĕ çын хальччен тунине туххăмрах салатма, тĕп тума пултарать. Ахăртнех, çын çутçанталăкпа килĕшÿре пурăнма пĕлменни тарăхтарать ăна. Байкал тăрăхĕнчи пушар инкекĕ мĕнрен пуçланнă тетĕр? Тĕп сăлтавĕ - пушар хăрушсăрлăхне пăхăнмасăр типĕ курăка çунтарни. Малтанласа палăртнă тăрăх - пĕр эрнере 153 пурăнмалли тата 165 дача çурчĕ кĕл айне пулнă.
ЧР Пурлăх министерстви пĕлтернĕ тăрăх - республикăра йышлă ачаллă 3292 çемье çĕр лаптăкĕ тивĕçнĕ. Вĕсенчен 2078-шĕ ăна çурт-йĕр çавăрма, 1164-шĕ хушма хуçалăха аталантарма, 50-шĕ вара дача тума илнĕ.
Чăваш Енри нумай ачаллă çемьесене панă çĕрĕн пĕтĕмĕшле лаптăкĕ - 385,7 га. Республикăра çакнашкал çемьесене çĕрпе тивĕçтернин пайĕ - 57 процент.
о Хурăнăн çилĕмлĕ çулçи витĕмлĕ.Ак ĕнтĕ хĕл те иртсе кайрĕ. Тахçан нихăçан та вĕçленес çук пек туйăннăскер.
Ансат пулмарĕ иртнĕ хĕл Раççейшĕн. Раççейшĕн пулсан - Чăваш Еншĕн те, паллах. Сăмси умĕнчи паха апата çăтса яма кăшт кăна ĕлкĕреймен акулăна аса илтерекен Америка хистенипе Европĕрлĕхе кĕрекен çĕршывсем санкци хыççăн санкципе юнарĕç пире, нефть йÿнелмеллипех йÿнелчĕ, тенкĕ кунсерен «çăмăлланса» та «сумсăрланса» пычĕ. Пĕрисем чăтаймарĕç - «Караул! путатпăр!» тесе кăшкăрма та пикенчĕç.
Чăваш наци конгресĕн пуçарăвĕпе, ЧР Культура министерстви пулăшнипе 16 çул каялла чăваш эстрада юррисен «Кĕмĕл сасă» фестиваль-конкурсĕ пĕрремĕш хут иртнĕччĕ. Ун чухне шута илмен, туса çитереймен самантсем темĕн чухлĕччĕ.
Чăвашла верси
Русская версия
