Çĕршĕн - взятка
Шупашкар районĕнчи Атайкасси ял тăрăхĕн пуçлăхĕн заместительне вара взятка илнĕ тесе шанмаççĕ. Уголовлă ĕçе Следстви комитечĕн Çĕнĕ Шупашкарти пайĕ тĕпчет.
Ун чухне, 2013 çулхи июнь пуçламăшĕнче, вăл ял тăрăхĕн администрацийĕн пуçлăхĕн тивĕçĕсене пурнăçланă. Хăй хуçа вĕт - Шупашкар районĕнчи Явăш ялĕнчи /вăл Атайкасси ял тăрăхне кĕрет/ хуçалăхсен кĕнекинчен çырса илнин суя хутне хатĕрленĕ. Ăна ĕненес-тĕк пĕлĕшĕн харпăрлăхĕнче 0,28 гектар йышăнакан çĕр лаптăкĕ пур иккен. Çак лаптăка почта адресĕ панине çирĕплетекен саккунсăр йышăну та кăларнă.