Пуласлăхĕ пурах: 5-мĕш класс хĕрачи "Сентти" конкурсра палăрнă
Нумаях пулмасть Шупашкарти Ф. Павлов ячĕпе хисепленекен музыка училищинче Пĕтĕм Раҫҫейри тĕрлĕ халӑхсен "Сентти" 2-мĕш фестиваль-конкурсĕ иртнĕ. Унта Шупашкар районĕнчи Вӑрман-Ҫĕктер шкулĕнче 5-мĕш класра вĕренекен Арина Амиршоева палӑрнă.
"Ҫӳл ту ҫинче ҫил арманĕ" тата "Сĕтелĕрсем ҫинче..." юрăсемпе вăл жюри членĕсене тыткăна илнĕ. "Арина - хитре те уҫӑ саслӑ хĕрача. Тӑваттăмĕш ҫул ĕнтĕ Шупашкар районĕнчи Хыркаси ялĕнчи ÿнер шкулĕнче вĕренет. Питĕ пултаруллă, пуласлӑхĕ пурах Аринан", - тесе пĕлтерчĕ "Хыпар" издательство çурчĕн хыпарсен службине унӑн вĕрентекенĕ Антонина Лукина.
Комментари хушас