Кун хыççăн кун

28 Авăн, 2018

Тÿррĕн çÿреме

Ял хастарĕсем Тăвай районĕнчи Элпуç ял тăрăхĕнчи Нÿшкассинчи Горький тата Юхан шыв урамĕсен хушшинчи
çырма урлă хывнă кивĕ каçмана сÿтсе çĕнĕрен тунă. Ку ĕçре Г.Гурьев фермер, ял тăрăхĕн депутачĕсем Л.Семеновпа А.Гурьев, Г.Георгиев, В.Федоров, А.Яковлев, В.Антонов, А.Якимов, Э.Федоров тăрăшнă. Çуркунне Çĕнçырма ялĕн Пушкин, Чапаев тата Çĕнĕ урамĕсенче пурăнакансене çыхăнтаракан кĕпере юсанă. Çырма урлă техникăпа каçса çÿреççĕ.

27 Авăн, 2018

Тĕрлĕ регионтан килнисене «ЧЕТРА» тракторĕсене кăтартрĕç

Паян акционерсен «Промтрактор» производство обществин сăнав полигонĕнче нефтьпе газ, сăртлă-туллă çĕр айĕнчен чĕр тавар кăларакан тата промышленноç объекчĕсем тăвакан строительство предприятийĕсен представителĕсем Раççейĕн 70 ытла субъектĕнчен пуçтарăнчĕç.

Унта «ЧЕТРА» — Шупашкарта трактор тăвакансен — техникине презентацилерĕç.

27 Авăн, 2018

Чăваш полицейскийĕсен командировкăсене кайма тивет: «шурă вилĕм» тапăнать

Республикăра кăçал наркотиксен саккунсăр çаврăнăшĕпе çыхăннă 737 преступление, вĕсемшĕн айăплă 199 çынна тупса палăртнă. Ку преступленисен пысăк пайне – 71,4% — каварлашнă ушкăнсем тунă. Хăрушлăх чăннипех пысăккине çирĕплетекен çак тата ытти цифрăна паян Чăваш Республикинче наркотиксемпе кĕрешекен комиссин ЧР Пуçлăхĕ Михаил Игнатьев ертсе пынипе иртнĕ ларăвĕнче ШĔМĕн наркотиксен çаврăнăшне тĕрĕслесе тăракан управленийĕн пуçлăхĕ Данис Шакуров пĕлтерчĕ.

Pages