Публицист шухăшĕ

18 Раштав, 2023

Çынсем — тĕп спонсорсем

ЧР Пуçлăхĕ Олег Николаев ирттерекен тунтикунхи канашлура Раççейри ача-пăча фончĕн Чăваш Енри уйрăмĕн председателĕ Юрий Кислов «Ачалăх ячĕпе, ачалăхшăн» марафона пĕтĕмлетрĕ.

Публицист шухăшĕ
18 Раштав, 2023

Çулталăка ӳсĕмлĕ вĕçлетпĕр

Промышленноç производствин индексĕ Чăваш Енри пĕр муниципалитет округĕнче кăна пĕчĕкленнĕ. Ыттисем, çавăн пекех Шупашкар, Çĕнĕ Шупашкар, Канаш хулисем производствăна пĕлтĕрхинчен самай ӳстернĕ. Çакăн çинчен ЧР Пуçлăхĕ Олег Николаев тунтикун ĕç тăвакан влаç органĕсен тата муниципалитетсен ертӳçисемпе ирттернĕ канашлура вице-премьер — экономика аталанăвĕн министрĕ Дмитрий Краснов пĕлтерчĕ.

Публицист шухăшĕ
11 Раштав, 2023

Тулта шатăртатать раштав...

Çанталăк раштав пуçланнăранпах хăйĕн улшăнчăк кăмăлĕпе тĕлĕнтерет те — çак условисенче пурнăçпа ĕç-хĕле тивĕçтерекен тытăмсен оперативлăхĕ пысăк пĕлтерĕшлĕ. Ĕç тăвакан влаç органĕсен тата муниципалитетсен ертӳçисемпе тунтикун ирттернĕ канашлура та калаçу çак темăран пуçланчĕ.

Публицист шухăшĕ
25 Юпа, 2023

«Ыттисен» шалăвĕ те хушăнать

Министрсен Кабинечĕн юнкунхи ларăвĕнчи уйрăм тема — ĕç укçи. РФ Президенчĕн указĕсемпе килĕшӳллĕн бюджет ĕçченĕсен шалăвĕн ӳсĕмне шута илнĕ. Вĕсен уйăхри вăтам ĕç укçи кăçал 14,7% хушăннă — 38,3 пин тенкĕрен иртнĕ. Çитес çул та ӳсĕм курăмлă пулмалла — 8,9% ӳссе 41,4 пин тенкĕ патне çывхармалла. Вĕрентекенсемпе медиксемсĕр, культура ĕçченĕсемсĕр пуçне бюджетран укçа илекен ытти çын та пур — «ыттисем» тесе палăртакан çак йышăн шалăвĕ Çĕнĕ çултанах 8,5% пысăкланĕ. Ку, паллах, бюджетшăн ансат мар, анчах кирлĕ укçана резервланă.

Публицист шухăшĕ
25 Юпа, 2023

Çулсем, шкулсем, троллейбуссем

Министерсен Кабинечĕн юнкунхи ларăвĕнче инвестицисем çинчен каланă май Михаил Ноздряков «Химпромăн», «Промтракторăн» пысăк инвестпроекчĕсене, Çĕнĕ Шупашкарти индустри паркне, уйрăм экономика зонине асăнчĕ. Пурăнмалли çурт-йĕр строительствине вăй пама тивĕç инвестпроектсен шутĕнче — инфратытăмпа çыхăннă пилĕк теçетке объект: çулсем, ăшă сечĕсем, ытти... Республикăн социаллă пурнăçпа экономика аталанăвĕн уйрăм программипе пурнăçлакан ĕçсен калăпăшĕ те пысăк. Сăмах май, Мускав ăна тата пилĕк çуллăха тăсассине пĕлтернĕ — хушма укçа пулĕ.

Публицист шухăшĕ

Pages