Вĕрентÿ

14 Çу, 2020

Маттур, Катя!

«Юлташу хăвăнтан лайăхрах пултăр», — тенĕ ваттисем. Эпĕ сире хамăн тус-тантăшăм çинчен çырса пĕлтересшăн. Катя Крючкова манпа пĕр класра вĕренет. Вăл çепĕç те кăмăллă, пур ĕçре те, вĕренÿре те маттур хĕрача. Шкулта мĕнпур предметпа «пиллĕк» паллăсемпе кăна вĕренет. Олимпиадăсенче те маттур.

6 Çу, 2020

Шупашкарти шкул ачисем «Реликвии войны» акцие хутшӑнаҫҫӗ

Ака уйӑхӗн 22-мӗшӗнчен пуҫласа ҫу уйӑхӗн 9-мӗшӗччен Шупашкар хула администрацийӗн вӗренӳ управленийӗ «Реликвии войны» акци ирттерет. Ӑна Аслӑ Ҫӗнтерӳ пулнӑранпа 75 ҫул ҫитнине халалланӑ.

Шупашкарти шкулсенче 1-11-мӗш классенче вӗренекенсем документ материалӗсен сӑн ӳкерчӗкӗсене кӗске информаципе соцсете вырнаҫтараҫҫӗ. Ҫавӑн пекех ачасем видеороликсенче Тӑван ҫӗршывӑн Аслӑ вӑрҫине хутшӑннӑ тӑванӗн ҫемье реликвийӗ ҫинчен каласа кӑтартаҫҫӗ.

28 Ака, 2020

Чӑваш Енре ирттернӗ шахмат онлайн-турнирне тӗрлӗ ҫӗршывран хутшӑннӑ

Канмалли кунсенче интернет уҫлӑхӗнче шахматла выляссипе пӗтӗм тӗнчери ача-пӑча онлайн турнирӗ иртнӗ. Ӑна Чӑваш Енри Шахмат федерацийӗ "Шахмат планети" онлайн-лапамра йӗркеленӗ. (chessking.com)

Ҫамрӑк шахматистсен интерактивлӑ форматпа иртекен икӗ эрнелӗх ӑмӑртӑвӗсем Чӑваш Еншӗн ют мар. Хальхинче вӑл ытти ҫӗршывран та хутшӑнакансем пулнипе уйрӑлса тӑрать: Австри, Бразили, Узбекистан... Ҫавӑн пекех - Раҫҫейри 20 регион. Пурӗ - 200-е яхӑн хутшӑнакан. Спортсменсен ӳсӗмӗ - 9-15 ҫул.

28 Ака, 2020

Воспитательсем тупăшаççĕ

Чăваш Енре «Çулталăк воспитателĕ» конкурс малалла пырать. Кăçал финал пуçласа онлайн мелпе иртет.

Конкурс виçĕ тапхăрпа иртнĕ. Финала вара 27 çынран 5-шĕ çеç лекнĕ. Ача садĕнче ĕçлекенсем «Интернет-портфолио», «Манăн ăнăçлă проект» тупăшусене хутшăннă, ăсталăх класĕ ирттернĕ, ачасемпе мĕнле ĕçленине видео урлă кăтартнă.

Pages