Пулса иртни

21 Нарăс, 2022

Çулăмран çăлса кăларнă

Канаш районĕнчи Кăшнаруй ялĕнче 2 хваттерлĕ çуртра пушар тухсан 70 çулти арçынна сĕрĕм тивнĕ. Вăл урама хăй тĕллĕн тухайман.

Раççей МЧС службин ĕçченĕсем вăхăтра çитсе ăна çунакан çуртран илсе тухнă. Арçынна Канаш районĕн тĕп больницине сиплеве вырнаçтарнă. Пушарнăйсем алхасакан çулăма 20 минутра сӳнтернĕ. Пӳртри япаласем, сĕтел-пукан çунса кĕлленнĕ. Çулталăк пуçланнăранпа республикăра 133 пушар тухнă. Пурлăх тăкакĕ пĕтĕмпе — 1,5 миллион тенке яхăн. 10 çынна çăлса хăварайман, 10-шĕ суранланнă.

Пулса иртни
14 Нарăс, 2022

Вĕрентÿ организацийĕсен общежитийĕсенче тĕрĕслев иртĕ

Шăматкун Шупашкарта культура институчĕн общежитийĕнче пушар пулнă. Ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлăва ЧР Пуçлăхĕ Олег Николаев çак пăтăрмахран пуçларĕ.

Пулса иртни
31 Кăрлач, 2022

Газ чĕртнĕ те çывăрса кайнă

Элĕк салинчи нумай хваттерлĕ çуртра пурăнакан арçын тимсĕрлĕхне пула чутах кӳршисене шар кăтартман.

Чапаев урамĕнче пурăнаканскер яшка пĕçерме шухăшланă. Кастрюле шыв янă та газ плити çине лартнă, хăй çывăрса кайнă. Вĕреме кĕнĕ шыв тăкăнма тытăнсан конфоркăна сӳнтернĕ, хваттерте газ шăрши сарăлнă. Арçын вăранса çутă çутнă та хĕлхеме пула газ сирпĕннĕ, унăн хумĕпе чӳречесем арканнă. Телее, çуртра пурăнакансене пырса тивмен ку, пурте ырă-сывах.

Пулса иртни
17 Кăрлач, 2022

QR-кодпа улталасшăн

SMS-çырупа килнĕ вăрттăн сăмаха никама та пĕлтермелле мар.

Патшалăх пулăшăвĕсен порталĕ ун пек информацие нихăçан та ыйтмĕ. Ку — интернетри сăтăрçăсем халăха улталама шухăшласа кăларнă çĕнĕ мел. Аккаунта хӳтĕлес тесен мĕн тумалла? Порталта сĕннĕ тăрăх, хушма хӳтĕлев мелĕсемпе те усă курмалла. Сăмахран, аккаунта кĕме тĕп ыйту хатĕрлемелле тата SMS-па çеç кĕме май пултăр.

Пулса иртни

Pages