Стоматологсем ялти шкула çитнĕ

22 Ака, 2019

Пĕтĕм Раççейре старт илнĕ «Ырă ĕç — яла» проект «Медик-волонтерсем» юхăм пуçарнипе пурнăçланса пырать. Асăннă пуçарăва Чăваш Енри тухтăрсем те хутшăнма кăмăл тунă.

Ака уйăхĕн 20-мĕшĕнче «Медик-волонтерсем» юхăмăн республикăри уйрăмĕн хастарĕсемпе Çĕнĕ Шупашкарти стоматологи поликлиникин ĕçченĕсем Хĕрлĕ Чутай тăрăхне десант йĕркеленĕ.

Мăн Этмен шкулне çитсе шăл тухтăрĕсем ачасемпе сывлăх урокĕ ирттернĕ. Шур халатлисем шăл-çăвар тасалăхне мĕнле пăхăнмалли, стоматологи чир-чĕрĕнчен мĕнле сыхланмалли çинчен, хитре кулă вăрттăнлăхĕ пирки кăсăклă каласа кăтартнă. Медицина специалисчĕсем ачасен ыйтăвĕсене те хуравланă.

www.hypar.ru

Ирина ИВАНОВА. Cap.ru сăн ÿкерчĕкĕ.

Рубрика: 

Комментари хушас