«Ответный ход» фильм пăхса хавхаланнă хыççăн Шупашкарти энергетика техникумĕнче вĕреннĕ Юрий Волковăн десантник пулас килнĕ. Çар комиссариачĕ унпа пĕр шухăшлă яшсене тĕп хулари аэроклубра парашютпа сикме хăнăхтарнă.
Рота командирĕшĕн Владимир Цветковшăн орден-медаль мар, салтак пурнăçĕ хаклăрах пулнă. Афганистан вăрçинче çар тивĕçне пурнăçланă чăваш арĕ юнлă çапăçусене хутшăннă, паттăрлăх кăтартса хисепе тивĕçнĕ.
Кăн-кăвак тÿпере çăхан евĕр вертолетсем явăнаççĕ, пĕрмай переççĕ пек… Афганистанри çапăçу тĕлленнипе каччă вăрана-вăрана кайнă. Йĕпреç районĕнчи Пăкăянра пурăнакан Николай Степанов халĕ хăрушă çав кунсене сайрарах аса илет.
Анатолий Григорьев — республикăри паллă ÿнерçĕ, Афганистан вăрçин ветеранĕ. Çартан таврăннă хыççăнах вăл картинăсенче хĕрÿ çапăçусемпе çар техникине, душмансемпе совет салтакĕсене сăнланă. Ашшĕ-амăшне те çырупа пĕрле ÿкерчĕксем ярса панă вăл.
30 çул каялла ку тĕнчерен уйрăлнă Юра Кузнецовăн вил тăпри çине халĕччен çичĕ хут та курăк шăтма ĕлкĕрчĕ ĕнтĕ. Каччă Афганистанран аманса таврăннă хыççăн нумаях та пурăнайман. Йывăр чире кайнине пула 24-рах сивĕ тăпрапа хупланнă вăл.
Чăвашла верси
Русская версия
