Аталану çулĕпе

22 Авăн, 2017

Тăрăшсан сăрт çинче те тулă ăнса пулать

Чăваш Енри ăнăçлă ĕçлесе пыракан предприятисем Мускавра юпа уйăхĕн пуçламăшĕнче иртекен Раççейри «Ылтăн кĕркунне» агропромышленноç куравне хутшăнма хатĕрленеççĕ. Выставкăра Вăрмар районĕнчи Владимир Ивановăн хресчен-фермер хуçалăхĕ хăйĕн çитĕнĕвĕсемпе выльăх ĕрчетекен чи лайăх çемье ферми пек паллаштарĕ. Çитĕнĕвĕ вара çак фермерăн темĕн чухлех.

15 Авăн, 2017

Ял çыннисем валли ĕç вырăнĕсем йĕркелет

Ял хуçалăх пĕлтерĕшлĕ çĕрсене çаврăнăша кĕртесси патшалăх шайĕнчи пысăк тĕллев пулнине Чăваш Ен Пуçлăхĕ Михаил Игнатьев тăтăшах палăртать.

13 Авăн, 2017

«Çĕре юхăнтармарăм»

Шăпăртатса çумăр çăвать. Асфальт сарнă территорире хура пленкăпа витнĕ тырă куписем выртаççĕ. Сушилка пĕр чарăнми кĕрлет, чĕр тавар типĕтет. Вăл нÿрĕ пулнăран самай тăкакланма тивет. Складра вара ĕç вĕресе тăрать. Çынсем типĕтнĕ «сарă ылтăна» сортласа сутма хатĕрлеççĕ.

— Управсем сирĕн «сарă ылтăнпа» тулнă. Кун чухлĕ тырра ăçта вырнаçтаратăр?

8 Авăн, 2017

«Сурăх сĕтĕнчен те сыр тăваççĕ»

Тĕрлĕ çул-йĕрпе утса пăхнă вăл. Халĕ хăйне ял хуçалăхĕнче тупнă. «Выльăх-чĕрлĕх отраслĕ, уйрăммăн илсен – ĕне, качака усраса сĕт туса илни пĕрчĕллĕ, пăрçа йышши культурăсемпе пахча çимĕç ÿстернинчен тухăçлăрах», — тет вăл. Сăмахăм «Белкофф» тулли мар яваплă обществăн ертÿçи Олег Толстов пирки.

6 Авăн, 2017

Ĕç пулсан ял пурăнать

«Ĕçчен çын çукран та пур тăвать», — теççĕ халăхра. Тăвай районĕнчи Кармалти пĕр тăван Грачевсем телей кайăкне çичĕ тинĕс леш енче шыраман, вырăнтах тупнă. «Слава» хуçалăх панкрут çулĕ çине тăрсан тăвансем халăх пурлăхне хăйсен хÿттине илнĕ. Чăн та, ку вăхăт тĕлне фермăсем палăрмаллах юхăннă, витесем пушаннă.

Pages