Раççей Президенчĕ çумĕнчи Патшалăх службин тата халăх хуçалăхĕн Раççей академийĕн /РАНХиГС/ Шупашкарти филиалĕнчен кăçал вĕренсе тухакансем хăйсене диплом панă куна нихăçан та манмĕç. Мĕншĕн тесен аслă пĕлÿ илнине ĕнентерекен çак документа вĕсене Правительство çуртĕнче Чăваш Республикин Пуçлăхĕ Михаил Игнатьев пачĕ.
Кам тетĕр-и? Çĕнĕ Шупашкар пики Татьяна Николаева. Вăл Раççейри паллă артистсемпе Полина Гагаринăпа, Егор Кридпа тата DJ Smashпа пĕрле клипра ÿкерĕннĕ.
Çаврăнăçуллă студентсемшĕн техника пуçтарасси чăрт сурасси çеç. Шупашкарти политехника институчĕн студенчĕсем Иван Никоноров, Дмитрий Иванов, Дмитрий Разуваев квадроцикл хатĕрленĕ. Яшсем ăна пĕр уйăхра пуçтарса пĕтернĕ.
Чăваш наци радиовне кунсерен итлекенсем асăрхарĕç пуль: юлашки вăхăтра «Ирхи кăмăл» кăларăмра Мария Самделовăн сасси янăрамасть. Владислав Московцевăн республика çыннисене ирсерен пĕчченех вăратма тивет. Пăшăрханса ÿкрĕр-и? Лăплантарма васкам: Маша кĕçех эфира тухĕ, хальлĕхе вăл Китай çĕршывĕпе киленет.
Чăвашла верси
Русская версия
