Чаршав

Юлашки вăхăтра çине-çинех спектакль пăхма тÿр килчĕ. Театр искусствин «Чĕнтĕрлĕ чаршав» республика конкурсĕн жюри членĕ пулнă май унта тăратнă ĕçсемпе паллашрăм. Пĕр пытармасăр калатăп: хушма ĕç мана пĕрре те «йывăра» килмерĕ. Пачах урăхла, театр кунçулĕ, унăн пархатарлă ĕçĕ тата çывăхланчĕ, артистсем тăвакан асамлă тĕнче ытларах та ытларах тыткăнларĕ.