Чăваш Ен Пуçлăхĕ

22 Çĕртме, 2019

Куравра - аталану тĕкĕрĕнче

Ĕнер Шупашкарти Хĕрлĕ лапамра Регионсен хушшинчи «Регионсем - чикĕсĕр килĕштерсе ĕçлесси» XXVI курава уçнă. Паян унта Чăваш Республикин Пуçлăхĕ Михаил Игнатьев çитсе курчĕ.

Кунта строительствăн, архитектурăн, электротехникăн, приборсем тăвакансен, хими, çăмăл тата апат-çимĕç промышленноçĕсен, ял хуçалăхĕн, туризмпа спортăн, банкпа инвестицин, страхлакансен, сывлăх сыхлавĕн, наукăн, вĕрентĕвĕн, транспортăн 100 ытла организацийĕ хăйĕн ĕç-хĕлĕпе, продукцийĕпе, пулăшу ĕçĕпе паллаштараççĕ.

17 Çĕртме, 2019

Планерка: пĕтĕм ĕçе вăхăтра пурнăçламалла

«Республика кунĕ умĕн регионта мероприяти нумай иртет. Вĕсене тĕплĕн хатĕрленмелле тата çÿллĕ шайра ирттермелле. Пурин те яваплăха туйса ĕçлемелле», — терĕ Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен планеркăна уçнă май.

3 Çĕртме, 2019

Акатуйсем иртеççĕ

Уй-хирте ял хуçалăх ĕçĕсене ирттересси, халăха ĕçпе тивĕçтерме пулăшассипе çыхăннă мероприятисем еплерех пурнăçланса пыни, 1-мĕш телеканал Чăваш Енре йĕркеленĕ «Пĕрремĕш пул!» ыр кăмăллăх акцийĕн пĕтĕмлетĕвĕ — шăпах çак ыйтусем тĕп вырăнта пулчĕç ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе паян ирттернĕ канашлура.

3 Çĕртме, 2019

ЧР Пуçлăxĕ Канашсен пурнăçĕпе паллашрĕ

Паян ЧР Пуçлăxĕ Mихаил Игнатьев Канаш хулинче пулса экономикăпа социаллă пурнăç ыйтăвĕceне тишкерчĕ.

"Çĕрпÿ-Ульяновск" автоçула Канаш айккипе, хулана кĕмесĕр автотранспорта тухмалли çула пĕлтĕрхи раштав уйăxĕнче туса пĕтернĕ. Ăна хута янăранпа Тăвайсем Канаша кĕмесĕр трассăна тухаççĕ. "Çак çул хулари çул çÿреве çăмăллатма пулăшать", - терĕ Михаил Игнатьев.

30 Çу, 2019