Чăваш тĕрринче тăван халăхăн пуян историйĕ упранать. Унăн хитрелĕхĕ нихăçан та çухалмасть. Çак асамлă ăсталăха ламран лама куçарас ĕçре «Паха тĕрĕ» фабрика тăрăшать. Кÿкеçре 1923 çулта уçăлнăскер 95 çул тăршшĕ пиншер çамрăка тĕрĕ илемĕпе туслаштарать.
Чăваш чĕлхи эрни пырать. Пирĕн журналистсем те уяв мероприятийĕсене хутшăнаççĕ, чĕлхемĕре аталантарас ĕçре пысăк тÿпе хываççĕ. «Хыпар» издательство çурчĕн «Çамрăксен хаçачĕн» редакторĕн тивĕçĕсене пурнăçлакан Алина Изман паян Шупашкарти 19-мĕш шкулта пулчĕ, 9-мĕш класс вĕренекенĕсемпе чăваш чĕлхи урокĕ ирттерчĕ.
Тăван тăрăхран аякра пурăнсан та Алена Татамирова чăвашлăхшăн çунать. Санкт-Петербургри пĕр аптекăра тăрăшаканскертен эмел туянма пыракансем: «Сирĕн калаçу хăйне евĕр. Эсир хăш халăх хĕрĕ?» — тесе ыйтсан: «Чăваш», — хуравлать пике. «Эпĕ çакăнпа мăнаçланатăп, вăл мана çын тунă», — палăртрĕ чиперкке.
Чăваш чĕлхин кунĕ ячĕпе çуллен ирттерекен митингран пĕрре те юлманран, ăна мĕнлерех шайра йĕркеленине курса тăнă темелле. Кăçал вăл «Анлăн янăра, чăваш чĕлхи!» флешмоб ятпа иртрĕ.
Чăвашла верси
Русская версия
