Чăваш Енĕн информаци политикин тата массăллă коммуникацисен министерстви ирттернĕ Тĕп редактор кунĕнче "Хыпар" Издательство çурчĕн "Тăван Атăл" журналĕн корреспондентне Елена Атамановăна отрасль ведомствин Хисеп грамотипе чысланă.
Çеçпĕл Мишши ячĕллĕ Чăваш патшалăх çамрăксен театрĕнче нумаях пулмасть ача-пăча пултарулăх театрĕсен "АВАНсцена" республикăри III фестивалĕ иртнĕ. Унта "Хыпар" ИÇ ача-пăча кăларăмĕсен ("Тантăш" хаçат, "Тетте", "Самант" журналсен) редакторĕ Алина Изман диплома тивĕçнĕ.
Пуш уйăхĕн 7-мĕшĕнче республика Пуçлăхĕ Михаил Игнатьев чи ĕçчен, хастар, пултаруллă хĕрарăмсен пĕр ушкăнне патшалăх наградисем панă. Уява Чăваш Республикин Пуçлăхĕн Администрацийĕн ертÿçи Юрий Васильев, ЧР Патшалăх Канашĕн Председателĕ Валерий Филимонов, ЧР Патшалăх Канашĕн депутачĕ, Ашшĕсен канашĕн ертÿçи Владимир Викторов, ЧР Общество палатин председателĕ Алексей Судленков хутшăннă.
Паян, пуш уйăхĕн 7-мĕшĕнче, Чăваш Енри чи пултаруллă хĕрарăмсенчен пĕрисене патшалăх наградипе хисеп тунă. Вĕсене Чăваш Ен Пуçлăхĕ Михаил Игнатьев хăй чысланă.
Михаил Васильевич хĕрарăмсен общество пурнăçĕнчи пĕлтерĕшне пысăка хурса хакланă. "Сирĕнпе эпир экономикăна, вĕрентĕве тата ăслăлăха, сывлăха сыхлас ĕçе, культурăна, спорта аталантаратпăр", - палăртнă вăл.
Чăвашла верси
Русская версия
