Хистенипе мар, чун туртăмне кура
Нумаях пулмасть Чĕмпĕрте иртнĕ «Атăлçи тăрăхĕнчи ăнăçлă çемье» фестиваль-конкурс пиллĕкмĕш хутчен иртнĕ. Унта Чăваш Ен чысне Çĕнĕ Шупашкарта пурăнакан Кузнецовсем хÿтĕленĕ. Вĕсем «Яваплă ашшĕ-амăшлăх» номинацире çĕнтернĕ. Андрейпа Алевтинăн — виçĕ ача. Асли Максим Çĕнĕ Шупашкарти 19-мĕш шкулта — 5-мĕш класра, вăталăххи Ульяна 2-мĕш класра вĕренеççĕ. Кĕçĕнни Матвей — 1,3 çулта.