Прокуратура органĕсем бюджет саккунĕсене мĕнле пурнăçланине тĕрĕсленĕ май 2016 çулта йĕркене пăснин 600 ытла тĕслĕхне тупса палăртнă. Çакăн çинчен ЧР прокуратурин пресс-служби пĕлтерчĕ.
Çак çамрăксем Раççейĕн нумай регионне çитнĕ — ломбардсене çаратса çÿренĕ. Чăваш полицейскийĕсем тăрăшнипе вĕсен криминаллă çулçÿревĕ тинех вĕçленнĕ.
Шупашкарта çамрăксем Гагарин урамĕнчи ломбарда /сăнÿкерчĕкре/ куç хывнă. Унта кĕнĕ, пысăк та хаклă /пĕтĕмпе 45 пин тенкĕлĕх/ ылтăн япаласене тăхăнса пăхнă та — тухса тарнă. Ломбард ĕçченĕсем вĕсем хыççăн чупнă-ха, анчах хăваласа çитеймен.
Çулçÿрев хăрушсăрлăхĕн патшалăх инспекцийĕн ĕçченĕсем ытларах чух водительсене асăрханма хистеççĕ. Халь вара çуран çынсене тимлĕ пулмалли пирки аса илтереççĕ. Сăлтавĕ паллă: кĕркунне кун тăршшĕ кĕскелсех пырать — тĕттĕмре вара çуран çынсем лайăх курăнмаççĕ. Çумăр çунă чух руль умĕнчи çыншăн çуран çынсен ĕмĕлки пушшех япăх курăнать.
"Ӳсĕр пулнă..." — çапла каласа чылайăшĕ хăйсен киревсĕр хăтланăвĕсене тӳрре кăларасшăн. Вĕсене хирĕçлер: ĕçкĕ мар, ĕçекенни айăплă... Шел те, çынсем эрех ĕçсе тунă преступлени ытла та нумай. Ĕçмен пулсанах суд умне тăма тивместчĕ.
Чăвашла верси
Русская версия
