Килĕшĕвне тунă та...
Александр Степанович ял тăрăхĕн пуçлăхĕн пÿлĕмĕнче — кăмăлсăрри куçкĕрет. Сăлтавĕ — Росреестр нумаях пулмасть ирттернĕ тĕрĕслев кăтартăвĕ.
— Кала-ха, мĕнле апла? — тарăхса ыйтать вăл пуçлăхран. — Эпир санпа çĕр лаптăкне эпĕ арендăна илесси çинчен калакан килĕшÿ турăмăр, ял тăрăхĕн шутне укçа хыврăм. Эпĕ çав лаптăка тасатрăм, йывăçсем лартрăм, хуралтă çĕклерĕм. Халь вара — тĕрĕслев! Росреестрăн çĕр инспекторĕ каланă тăрăх — эпир хатĕрленĕ документ ниме тăман хут кăна. Санăн манпа çакнашкал кĕске вăхăтлăха килĕшÿ тума юраман имĕш. Ку саккунсăр иккен...