ĕçтешсем

Паян Шупашкарти «Олимпийский» стадион черетлĕ хут спортпа туслисемпе сывă пурнăç йĕркине пăхăнакансене, хастар ушкăнсене пухрĕ. Ирхи 10 сехетре «Советская Чувашия» хаçат парнисене çĕнсе илессишĕн çăмăл атлетика эстафети старт илчĕ. Чăваш Енĕн мухтавлă арне, А.Г.Николаев летчик космонавта халалланăскер кăçалхипе 80-мĕш хут иртрĕ.

«Хыпар» издательство çурчĕн «Çамрăксен хаçачĕ» «Ырри ан ыртăрччĕ» проект пурнăçлать. Корреспондентсем волонтерсемпе тĕл пулаççĕ, ыр кăмăллăх организацийĕсен ĕçне çутатаççĕ, йывăр лару-тăрурисене пулăшмашкăн акцисем йĕркелеççĕ.

Паян «Хыпар» издательство çурчĕн «Çамрăксен хаçачĕн» редакцийĕнче Чăваш Ен наци радиовĕнче ăсталăха туптакан И.Н.Ульянов ячĕллĕ ЧПУн вырăс тата чăваш филологийĕпе журналистика факультечĕн студенткисем Эльвирăпа Диана Ивановăсем пулчĕç. Мĕн тĕллевпе? Редакци ĕçченĕсем радиоитлекенсене хăйсем ирттерекен ыр кăмăллăх акцийĕсем, ырă ĕçсем пирки каласа кăтартĕç.

Ыран Чăваш Енĕн Наци радиовĕн хумĕсем çинче пирĕн "Хыпар" издательство çурчĕн "Çамрăксен хаçачĕн" журналисчĕсем: Ирина Кошкинапа Нина Царыгина -  пулĕç. Вĕсене Мария Самделова радиоертÿçĕ "Ирхи кăмăл" кăларăма чĕннĕ.

Pages

Subscribe to ĕçтешсем