Ҫӗнӗ Шупашкарти ачасемпе ҫамрӑксен пултарулӑхне аталантармалли центрӗнче "Чӑваш Енри хӗрарӑмсен союзӗ" общество организацийӗн Ҫӗнӗ Шупашкарти уйрӑмӗн 10-мӗш фестивалӗ иртрӗ.
10 ҫул каялла химиксен хулинче хӗрарӑмсен 7 клубӗ кӑна пулнӑ тӑк, паян вӗсен йышӗ 33 ҫитнӗ! Мероприятие ЧР Пуҫлӑхӗ Михаил Игнатьев хутшӑнчӗ, этемлӗхӗн черчен ҫуррине ҫурхи пӗрремӗш кунпа саламларӗ.
Вăрçă вăхăтĕнче кунта эвакогоспиталь ĕçленĕ. Аманнă вырăс салтакĕ, çывăхра çынсем ют чĕлхепе калаçнине илтсен, хăй нимĕçсем патне тыткăна лекнĕ тесе шухăшланă. Аманнисене пулăшма чăваш хĕрарăмĕсем пынине, паллах, салтак тĕшмĕртме те пултарайман. Çак историе вăрçă вăхăтĕнче госпитале ĕçлеме çÿренĕ Çĕрпÿ хĕрарăмĕ каласа кăтартнă. Республикăри хĕрарăмсен союзĕ Амăшĕн кунне çак районта паллă тунă май уяв мероприятийĕсене хăнасене хулапа паллаштарнинчен пуçлама тĕв тунă вырăнти хастарсем. Шăпах хулари паллă вырăнсене кăтартса çÿренĕ май каласа кăтартрĕç те çак истори çинчен хĕрарăмсене.
Хĕрарăм хулпуççине черчен теççĕ те, анчах та çак черченлĕх мĕн чухлĕ хăватлă ĕç пурнăçлать. Яваплăхран та хăрамасть вăл. Йывăрлăха та парăнмасть. Авăнать - хуçăлмасть. Анчах пĕр йыша пуçтарăнсан тата ытларах усăллă ĕç тума пулать-çке.
Çĕмĕрлери хĕрарăмсен канашĕ кăçал «Чи лайăххи» хисеплĕ ята тивĕçрĕ. Унăн ĕçĕ-хĕлĕпе паллашма хальхинче ятарласа çула тухрăмăр. Тĕрĕссипе, Çĕмĕрлесемпе туслă çыхăну пĕлтĕрех йĕркеленĕччĕ ĕнтĕ, хулари ашшĕсен канашĕ пирки те çырса кăтартнăччĕ.
Çĕмĕрлери 3-мĕш шкула шыранă май хула урамĕпе утакансене чăрмантарма тиврĕ. Çамрăк арçын: «Чăвашлах ăнлантарам-и?» - тесен савăннине пытармарăм. Ара, Çĕмĕрлере ытларах вырăссем пурăннине пĕлетпĕр-çке.
Чăвашла верси
Русская версия
