Хыпар

6 Çурла, 2020

Полицейские çĕçĕпе чикнĕ

Шупашкар хулинче çурла уйăхĕн 4-мĕшĕнче патрульпе пост службин ĕçченне çĕçĕпе чикнĕ.

Ирхи 7 сехет те 5 минутра право хуралĕн ĕçченĕ Шалти ĕçсен министерствин Шупашкарти управленийĕн 2-мĕш уйрăмĕнчен тухма тăнă. Крыльца çинче ăна 35 çулти хĕрарăм çурăмран çĕçĕпе чикнĕ. Суранланнă полицейские те, хĕрарăма та больницăна ăсатнă.

6 Çурла, 2020

Тискер кайăк тытма юрать

Çурла уйăхĕн 5-мĕшĕнчен пуçласа чÿк уйăхĕн 15-мĕшĕччен вăрманпа уй-хир кайăкне тытма юрать.

Раççейĕн Çут çанталăк министерстви йышăннă сунар правилисенче пăхса хăварнă тăрăх, карăк, ăсан, пăчăр, кăрăпчак вăрман кайăкĕ шутланать, сăрă хир чăххи, путене, кăвакарчăн тата улатăпа – уй-хир кайăкĕ. Ăсана талăкра 2 пуç тытма чармĕç, пăчăра – 3 пуç, кăрăпчака – 5 пуç.

30 Утă, 2020

Аслă шкула — почта урлă

Аслă шкула вĕренме кĕрес текенсем документсене йышăну комиссине почта урлă та ярса параяççĕ. Ку çĕнĕлĕх эпидеми лару-тăрăвĕпе çыхăннă.

Документсене Раççей Почтин кирек хăш уйрăмĕнчен те ăсатма пулать. Чи кирли, çыру мĕн вăхăт каяссине шута илмелле, йышăну комиссийĕн адресне тĕрĕс палăртмалла, документсене саккаспа е бандерольпе ямалла, трек-номер /унпа çырăва йĕрлеме пулать/ палăртнă квитанцие упраса хăвармалла.

29 Утă, 2020

Халӗ лӑпланса лармалли вӑхӑт мар

Паян ЧР Правительство ҫуртĕнче ЧР Сывлӑх сыхлавĕн министерствин коллеги ларӑвĕ иртрĕ. Унӑн ĕҫне ЧР Пуҫлӑхĕн тивĕҫĕсене вӑхӑтлӑх пурнӑҫлакан Олег Николаев хутшӑнчĕ.

29 Утă, 2020

Олег Николаев Вăрмар районĕнчи юсав ĕçĕсене тĕрĕслерĕ

Паян ЧР Пуçлăхĕн тивĕçĕсене вăхăтлăх пурнăçлакан Олег Николаев Вăрмар районне çитсе килчĕ. Малтан вăл Ямпайри клубра пулчĕ.

1977 çулта хăпартнă çурта юхăнса кайнине пула пилĕк çул каялла хупма тивнĕ. Кăçал ял тăрăхĕн администрацийĕ хушнипе культура вучахне юсама пуçланă. Анчах ял халăхĕ çĕнĕ кермен тутарасшăн. Вĕсен шухăшĕпе Олег Алексеевич та килĕшрĕ, ыйтăва икĕ эрне хушшинче татса пама хушрĕ.

Pages