«Хыпар» турнирĕ

22 Юпа, 2019

Шупашкарта рекордсем çĕнелчĕç

Юпа уйăхĕн 19-20-мĕшĕсенче «Хыпар» хаçат кире пуканĕ йăтакансене Шупашкара пухрĕ. В.Ярды ячĕллĕ спорт шкулĕнче иртнĕ Пĕтĕм Раççейри турнирта Кировпа Санкт-Петербургран, Тутарстанпа Тюменьтен, Самарпа Чулхуларан, Пушкăртстанпа Свердловскран, Мордовипе Чăваш Енĕн тĕрлĕ кĕтесĕнчен килнĕ пăхаттирсем тĕп парнесене çĕнсе илессишĕн тупăшрĕç.

24 Авăн, 2019

«Хыпар» турнирĕ: Пĕрремĕшĕ çул уçнă

1984 çулччен пирĕн республикăра кире пуканĕ йăтассипе спорт мастерĕн нормативне 7 çын кăна пурнăçланă: Тăвай районĕнчи Альфред Пимулинпа Николай Соколов, Елчĕкри Анатолий Горшковпа Юрий Попов, Хĕрлĕ Чутайри тĕп больница тухтăрĕ Владимир Ульянов, Патăрьелти «Труд» колхоз ĕçченĕ Николай Трифонов тата Комсомольскинчи Юрий Миронов. Хальхи вăхăтра çак хисеп 100 çынна çитнĕ.