Выльăх апатне хатĕрлес ĕç мĕнлерех пыни, патшалăхăн пĕрлехи экзаменĕсен малтанхи пĕтĕмлетĕвĕсем, ача-пăча сывлăхне çирĕплетмелли лагерьсенче 1-мĕш смена епле иртни — шăпах çак ыйтусене сÿтсе яврĕç паян ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе ирттернĕ канашлура.
Хула тулашĕнчи 18 лагерьте 2-мĕш сменăра 4 742 ача сывлăха çирĕплетет.
Хĕрÿ тапхăр - çураки - вĕçленнĕ хыççăн республикăра ĕçпе спорт уявне ирттересси йăлана кĕнĕ ĕнтĕ. Каçалсем çĕр ĕçченĕн уявне тата район 80 çул тултарнине анлă паллă турĕç. Уява Чăваш Ен Пуçлăхĕ Михаил Игнатьев, ытти сумлă хăна хутшăнчĕ.
Çак куна тахçантанпах кĕтнĕ вĕсем, И.Н.Ульянов ячĕллĕ Чăваш патшалăх университетĕнче ырми-канми тăрăшнă, сесси вăхăтĕнче куç хупман каçсем ирттернĕ ĕнерхи студентсем.
Çĕртме уйăхĕн 26-мĕшĕнче Чăваш Ен команди «Гвардеец» лагерьтен таврăннă. Смена Чулхула облаçĕнче Кстово хулинче иртнĕ.
Республика чысне Совет Союзĕн Геройĕ А.В. Кочетов ячĕллĕ Чăваш Ен кадет корпусĕнче вĕренекенсем тата Патăрьел, Канаш, Муркаш районĕсен, Çĕнĕ Шупашкар тата Шупашкар хулисен пĕрлештернĕ команди хÿтĕленĕ. Чăваш Ен хастарĕсем пĕрремĕш вырăна тухнă.
Чăвашла верси
Русская версия
