Авăнăн 4-мĕшĕнче ирхине 5 сехет çурăра ашшĕ-амăшĕпе пĕрле пирĕн корреспондент та Чăваш кадет корпусĕн аслăрах класĕсенче вĕренекенĕсене Пермь хулине ăсатрĕ. Унтан çĕрле 2 сехетре кĕçĕнреххисене Хура тинĕс хĕррине вĕçекен самолета лартса ячĕ. Пермьри Кадет корпусĕнче пирĕн ачасем мĕнлерех пурăнаççĕ-ши? Крымри «Лучистый» лагерьте чарăннисене вĕçĕ-хĕррисĕр тинĕсĕн сывлăшĕ килĕшнĕ-ши?
Ирхине 2 сехет. Тĕттĕм. Шупашкарти аэропорт умĕнчи автомобиль йышне умĕнче ÿсекен йывăç çулçисен шучĕпе танлаштарма пулать. Нумайăшĕ тутлă ыйхă ытамĕнче, ăшă утиял айĕнче хуп турттарнă вăхăтра Чăваш кадет корпусĕнче 5-7-мĕш классенче вĕренекенсем самолетпа вĕçме хатĕрленчĕç.
Пĕлÿ кунĕнче чăваш кадет корпусĕ уçăлнăччĕ. Унта вĕренекенсемшĕн вара авăн уйăхĕ вĕренÿпе спорт пухăвĕнчен пуçланĕ. Паян ирпе 6 сехет те 30 минутра 8-11-мĕш классенчи хастарсем Пермьри кадет корпусне кайрĕç. Кĕçĕн класра ăс пухакансем ыран ирпе 5-ре Крым Республикинчи сывлăха çирĕплетекен лагере çул тытĕç.
Нарăс уйăхĕн 11-20-мĕшĕсенче Пермь хулинче Тĕнчери çамрăк патриотсен XVI слечĕ иртнĕ. Шупашкарти Совет Союзĕн Геройĕ А.В. Кочетов ячĕллĕ Чăваш кадет корпусĕн тата милицин генерал майорĕ В.А. Архипов ячĕллĕ 14-мĕш кадет шкулĕн вĕренекенĕсем хутшăннă кунта.
Чăвашла верси
Русская версия
