Артем Николаев — Канаш районĕнчи Шăхасан шкулĕн чи лайăх вĕренекенĕ, нумай енлĕн аталаннă ача. Ку таранччен тĕрлĕ олимпиадăна, мероприятие хутшăнса шкул чысне сахал мар хÿтĕленĕ. Технологи енĕпе тунă çитĕнĕвĕсем уйрăмах пысăк унăн. Унсăр пуçне физика, географи, информатика предмечĕсен олимпиадисенче пысăк кăтартусемпе савăнтарнă. Республика шайĕнчи физика олимпиадинче кăçал пĕрремĕш теçеткене кĕнĕ.
Муниципалитетсем ял хуçалăх предприятийĕсемпе хресчен-фермер хуçалăхĕсенче çуракине хатĕрленес ĕç мĕнле пынине тишкерме тытăнчĕç. Анчахрах Канаш районĕнче администраци пуçлăхĕ Владимир Степанов ертсе пынипе агроинженери конференцийĕ иртнĕ.
ЧР Ял хуçалăх министерствин тĕп специалисчĕ Наталия Гаврилова ял хуçалăх таварĕ туса илекенсен пĕлтĕрхи финанс кăтартăвĕсемпе паллаштарнă май тухăçа ÿстермеллине тата пахалăха лайăхлатмаллине, çакă продукцие конкуренцие тÿсĕмлĕ хатĕрлеме май панине палăртнă.
Çак кунсенче Канаш районĕнчи Çеçпĕл ял тăрăхĕнчи Малтикас ялĕнче каçхи хурал йĕркеленĕ. Пуçаруçи Петр Сергеев староста пулнă. Çынсем шухăша ялтисем ырласа йышăннă (сăн ÿкерчĕкре).
Аслă Çĕнтерÿ уявĕ умĕн ĕнер, çу уйăхĕн 4-мĕшĕнче, Канаш районĕнчи Сителте «Град-1» реактивлă хатĕрĕн пĕрремĕш ракетчикĕсене асăнса палăк уçнă.
Чăвашла верси
Русская версия
