культура
Шĕмшешсем «суперах-ши»?
Элĕк районĕнчи Шĕмшешри культура çурчĕ иртнĕ ĕмĕрĕн 90-мĕш çулĕсенче кĕрлесе çеç тăнă. Юрă-кĕвĕ сасси таврана ян! кайнă. Каярахпа вăл шăпланнă. Пĕр вăхăт хупăнса та тăнă. Хупă клуб халăха кăсăклантарман паллах.
- Иртнĕ çул «Ялти культура çурчĕсене юсаса çĕнетес» программăна хутшăнса грант çĕнсе илтĕмĕр, - терĕ Роза Александрова ерт.çĕ. - Баян, сцена тумтирĕ, çутăпа сасă аппаратури тивĕçрĕ пире.
Çамрăксем чăваш аваллăхĕпе кăсăкланаççĕ
Канашри ача-пăча пултарулăх çуртĕнче «Подросток» клуба çÿрекенсем валли «Манăн хула» воспитанипе ăс-хакăл мероприятийĕ иртнĕ. Ăна хулари тавра пĕлÿ музейĕн администрацийĕпе пĕрле йĕркеленĕ.
Малтанах çамрăксене аваллăх управçипе тĕплĕн паллаштарнă, чăваш халăх культури, йăли-йĕрки, Канаш хулин историйĕ пирки каласа панă. Унтан «Манăн хула» викторина пулнă. Тăван хулан историне 11-мĕш шкулта вĕренекен Роман Ибрагимов пуринчен лайăх пĕлнипе палăрнă. 3,8-мĕш шкулсенче пĕлÿ илекен Дмитрий Бурлаковпа Максим Антонов иккĕмĕшпе виççĕмĕш вырăнсене пайланă.
Паллашăр: Китай культурин кунĕсем
Ноябрĕн 18-19-мĕшĕсенче И.Я.Яковлев ячĕллĕ Чăваш патшалăх педагогика университетĕнче Китай культурин кунĕсем иртĕç. Мероприятире Китай чĕлхипе культурин центрне уçĕç.
Асăннă центрăн тĕп тĕллевĕ - Чăваш Енри студентсене, шкул ачисене китай чĕлхине вĕрентесси пулĕ. Яш-кĕрĕмпе хĕр-упраçа çавăн пекех Китай историйĕпе те паллаштарĕç.
Пепкисемпе пĕрле савăнчĕç
Pages
- « первая
- ‹ предыдущая
- …
- 4
- 5
- 6
- 7
- 8
- 9
- 10
- 11
- 12
- следующая ›
- последняя »