Паян Чăваш Енĕн Наци библиотекинче Наци телекуравĕн çĕнĕ телекăларăмне - "Хыпарçăсем" ток-шоуна - эфира кăларма çырнă.
Чăваш чĕлхине упраса хăварса аталантарас темăна уçса пама чăваш чĕлхипе литературине вĕрентекенсем, ăслăлăх ĕçченĕсем, ЧНК президиумĕн пайташĕ, журналистсем, студентсем, библиотека ĕçченĕсем хутшăннă.
Паян Мускавра "Наци сывлăхĕ - Раççей чечекленĕвĕн никĕсĕ" ятпа Пĕтĕм Раççейри 11-мĕш курав уçăлнă. Чăваш Ен те унта хăйĕн экспозицине тăратнă. Сумлă форума уçма Раççейĕн сывлăх сыхлавěн министрĕ Вероника Скворцова, Наци сывлăхĕн лигин президенчĕ Лео Бокерия тата ытти хисеплĕ çын хутшăннă.
Паян Чăваш Енĕн патшалăхăн телерадиокомпанийĕн тÿрĕ эфирта иртекен "Ирхи тĕпел" кăларăмĕнче "Хыпар" издательство çурчĕн директорĕн - тĕп редакторĕн заместителĕ Геннадий Максимов пулнă. Республикăри паллă та пултаруллă журналист, драматург, поэт Марина Карягина ертсе пыракан кăларăма ĕçтешĕмĕре Чăваш Республикин Профессионал писательсен союзĕн ертÿçи пулнă май йыхравланă.
Чăвашла верси
Русская версия
