Шалти ĕçсен министерстви пăшăрханса палăртать: яланах лăпкă шутланнă Чăваш Енре те экстремизмпа çыхăннă преступленисен шучĕ ÿснĕ. ШĔМĕн экстремизмпа кĕрешекен центрĕн пуçлăхĕ Владимир Шихранов ЧР Пуçлăхĕ çумĕнчи Чăваш Республикинче право йĕркине тивĕçтерес енĕпе ĕçлекен координаци канашлăвĕн ларăвĕнче сăмах илнĕ май регистрациленĕ преступленисенчен ытларахăшĕ киревсĕр материалсене Интернета вырнаçтарнипе çыхăннине палăртрĕ.
ЧР Çут çанталăк ресурсĕсемпе экологи министерстви, «Чăваш вăрманĕ» наци паркĕ, «Присурский» заповедник çуркуннехи-çуллахи тапхăрта вăрман пушарĕсенчен сыхланма тата вĕсемпе кĕрешме хатĕр-и? Шăпах çак ыйтăва сÿтсе явнинчен пуçланчĕ республикăри Чрезвычайлă лару-тăрăва асăрхаттарас тата сирсе ярас, пушар хăрушсăрлăхĕпе тивĕçтерес енĕпе ĕçлекен комиссин паян иртнĕ ларăвĕ.
Паян Чăваш Ен Пуçлăхĕ Михаил Игнатьев Правительство çуртĕнче Чăваш Республикин Общество палатин членĕсен кандидачĕсемпе тĕл пулчĕ.
Йышра — Пĕтĕм Раççейри общество организацийĕсен уйрăмĕсем тата регионти пĕрлĕхсем сĕннĕ çынсем. Вĕсен хушшинче çĕннисем те, нумай çул çак тытăмра вăй хуракансем те пур. «Сирĕн çине питĕ пысăк яваплăх тиенет», — терĕ Михаил Игнатьев республика халăхĕн ырлăхĕшĕн ĕçлеме хатĕрленекенсене ырă суннă май.
Республика Пуçлăхĕ Михаил Игнатьев иртнĕ эрнере Ялтăри Пĕтĕм тĕнчери экономика форумне хутшăннă, ĕçлĕ çак çул çÿрев чи малтанах Чăваш Енпе Крым çыхăнăвĕсене çирĕплетме пулăшĕ.
Чăваш Республикинче коррупципе кĕрешес ĕçе йĕркелекен комисси кĕçнерникун право хуралĕн органĕсем 2017 çулта коррупципе çыхăннă преступленисенчен сыхланас, вĕсене тупса палăртас енĕпе пурнăçланă ĕçе пĕтĕмлетрĕ.
Чăвашла верси
Русская версия
