Михаил Игнатьев

13 Çу, 2019

Кун йĕркинче — сыхлăх тата тирпейлĕх

Вăрмансенчи пушарсемпе çыхăннă лару-тăру Ульяновск, Чулхула облаçĕсенче, Мари Элта, Мордовире питĕ çивĕч. Атăлçи округĕнчи регионсенчен кăçал хальлĕхе Тутарстанпа Чăваш Енре кăна вăрмансем пĕрре те çунман. Апла пулин те Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура шăрăх та типĕ çанталăка кура самантлăха та лăпланма юраманни, сыхлăх пысăк пулмалли пирки хытарсах каларĕ.

24 Ака, 2019

Уйрӑм ыйтусене полпредпа сӳтсе яврĕҫ

Юнкун Шупашкарта пулнӑ май Раҫҫей Президенчĕн федерацин Атӑлҫи округĕнчи полномочиллĕ представителĕ Игорь Комаров Правительство ҫуртĕнче республикӑн социаллӑ пурнӑҫпа экономика аталанӑвĕн уйрӑм ыйтӑвĕсемпе канашлу ирттерчĕ.

Сӑмах чи малтанах наци проекчĕсене пурнӑҫласси пирки пычĕ. Полпред палӑртнӑ тӑрӑх, ӑнӑҫусемпе пĕрлех республикӑн ку енпе ҫитменлĕхсем те пур. Игорь Комаров тĕрлĕ ҫул-йĕрпе палӑртнӑ кашни нацпроектпа килĕшӳллĕн пурнӑҫламалли ĕҫсем ҫинче чарӑнса тӑчĕ.

23 Ака, 2019

Наци проекчĕсенчи тÿрлетÿсене тишкерчĕç

ЧР Пуçлăхĕ çумĕнчи стратеги аталанăвĕ тата проект ĕç-хĕлĕ енĕпе ĕçлекен канашăн паян республика Пуçлăхĕ Михаил Игнатьев ертсе пынипе иртнĕ ларăвĕнче регионăн наци проекчĕсене пурнăçламалли проекчĕсен тÿрлетÿсем кĕртнĕ паспорчĕсене тишкерсе ырларĕç.

20 Ака, 2019

Чăваш Ен Пуçлăхĕ коммунистсемпе тĕл пулчĕ

Паян Чăваш Республикин Пуçлăхĕ Михаил Игнатьев РФ Компартийĕн Чăваш Енри лидерĕсемпе тĕл пулчĕ. Правительство çуртĕнче иртнĕ ĕçлĕ калаçăва çавăн пекех Чăваш Республикин Патшалăх Канашĕн Председателĕ Альбина Егорова, ЧР Пуçлăхĕн Администрацийĕн Ертÿçин тивĕçĕсене пурнăçлакан Николай Каргин хутшăнчĕç.

Михаил Игнатьев асăннă парти фракцийĕсен хастарĕсемпе çĕршывра йăлана кĕнĕ субботник иртекен тапхăрта, В. Ленин çуралнă кунĕ умĕн коммунистсен шухăш-кăмăлне итлени вăхăтлă пулнине палăртрĕ.

Pages