«Гипертони майĕпен çамрăклансах пынине палăртмалла. Унпа аптăракансен йышĕ çултан-çул ÿсет. Шкул ачисен хушшинче те юн пусăмĕ пысăкланнă тĕслĕхсене тупса палăртаççĕ, çавăнпа кашнин хăйĕн артери пусăмне тĕрĕслесех тăмалла», — терĕ Шупашкарти 1-мĕш клиника больницин кардиолог тухтăрĕ Кристина Матросова.
«Патшалăх нумай ачаллă çемьесене пулăшу кÿни хавхалантарать. Сăмахран, ачасен апатланăвĕшĕн сахалрах тÿлетпĕр. Халĕ шкулта ирпе кăнтăрла апатланнăшăн уйăхне пĕр ачашăн 800 тенкĕ тÿлемелле, пирĕн — 100 тенкĕ сахалрах. Ача сачĕшĕн нумаях тăкакламастпăр», — пĕлтерчĕ Татьяна. Çĕнĕ вĕренÿ çулĕнче ачасем Кĕçĕн Шетмĕри тĕп шкула çÿреме пуçларĕç. Аслисем парта хушшине ларчĕç, кĕçĕннисем пĕлÿ çуртĕнчи ача садĕнче воспитани илеççĕ.
«Вĕрентÿ» наци проекчĕ 2019-2024 çулсене тăсăлать. Ăна РФ Президенчĕ В.Путин 2018 çулта çирĕплетнĕ. Вĕренÿ тытăмĕнче сахал мар ĕçсем туса ирттернĕ. Çапах та çĕршыв Президенчĕн çитес 5 çулта тума палăртнă тĕллевсем тата та пысăк. Пĕри — кăмăл-сипет пахалăхне тата наци культурин йăли йĕркипе паракан воспитани тытăмне аталантарасси, тепри — Раççейри пĕтĕмĕшле пĕлÿ пахалăхĕпе тĕнчери малта пыракан вунă çĕршыв йышне кĕресси.
Чăваш Енре пенси ÿсĕмĕ умĕнхи граждансем «Предпринимательство» тата «Çăкăр пĕçересси» компетенципе вĕренме пуçланă. Шупашкарти экономика технологи колледжĕ çак ĕç-хĕле «Демографи» наци проекчĕн «Аслă ăру» регион проекчĕпе килĕшÿллĕн тÿлевсĕр пурнăçлать.
ЧР Пуçлăхĕ çумĕнчи стратеги аталанăвĕн тата проект ĕç-хĕлĕ енĕпе ĕçлекен канашăн юн кун Правительство пуçлăхĕ Иван Моторин ертсе пынипе иртнĕ ларăвĕнче наци проекчĕсене пурнăçламалли регион шайĕнчи проектсен паспорчĕсене тишкерсе çĕнетрĕç.
Чăвашла верси
Русская версия
