Шупашкарти çул çитмен ачасен социаллă реабилитаци центрĕнче «Шанчăк сăпки» /Колыбель надежды/ клуб ĕçлет. Унта 1,5-3 çулти тĕпренчĕксене амăшĕсемпе пĕрле йышăнаççĕ.
Çĕнĕ çул кĕтсе илнĕ хыççăн чăрăша ывăтмасан лайăхрах. Шупашкарти А.Г.Николаев ячĕллĕ ача-пăча паркĕнчи «Ковчег» зоокĕтесре хăйне евĕр акци ирттерессине йăлана кĕртрĕç.
Сывлăх сыхлавĕн керменĕ — шăпах çапла хакларĕ Чăваш Республикин Пуçлăхĕ Михаил Игнатьев паян Шупашкар хула тĕп больницин нумай профильлĕ çĕнĕ поликлиникине савăнăçлă лару-тăрура уçнă май. 17 пин тăваткал метр лаптăк йышăнакан çĕнĕ çуртра ăшă, çутă, таса, хăтлă, çавăнпа ăна чăнласах та кермен темелле.