Çитес çул çăмăл атлетика енĕпе Пĕтĕм Раççей шайĕнчи 100-мĕш ăмăрту Шупашкарта иртĕ.
Чăваш Республикин тĕп хулинче наци чемпионачĕ 6 хут иртнĕ — 2002, 2009, 2011, 2012, 2015, 2016 çулсенче. Тĕрлĕ регионран çитнĕ спортсменсене Шупашкарта хăтлă. «Олимп» стадионри газиона тĕпрен çĕнетнĕ, чупу çулĕсене улăштарнă, çăмăл атлетика секторĕсене çĕнĕ сĕм кĕртнĕ. Стадиона тĕнче шайне çитернĕ.
Чÿк уйăхĕн 2-мĕшĕнче Канадăра йăлана кĕнĕ Cruisers Cup-2018 пĕтĕм тĕнчери следж-хоккей турнирĕ иртет. Раççей чысне унта Ача-пăча следж-хоккей лиги хÿтĕлĕ.
Çак кунсенче спорт туризмĕн «Ылтăн карабин» ăмăртăвĕн пĕрремĕш тапхăрĕ иртнĕ. Тупăшу виçĕ ÿсĕм категорийĕнче пулнă: 10-13, 14-15, 16-17 çулсенчисем. Атăл хĕрринчи хырлăх 148 спортсмена пухнă.
Ăмăртура 1-мĕш вырăна Çĕнĕ Шупашкарти 1-мĕш спорт шкулĕ тухнă, 2-мĕшне — Çĕрпÿри 1-мĕш шкул команди, 3-мĕшне Шупашкарти «Памирка» турклуб команди йышăннă.
Юпа уйăхĕн 12-14-мĕшĕсенче Тбилиси хулинчи Олимпийский керменте çамрăк самбистсен ăмăртăвĕ иртнĕ. Тĕнчере мала тухассишĕн 30 çĕршыври 16-20 çулсенчи 250 ытла спортсмен кавир çине тухнă.
Чăвашла верси
Русская версия
