Курск облаçĕнче иртнĕ Пĕтĕм Раççейри çуллахи ял спорт вăййисем çĕршывăн 66 регионĕнчен 2100 хастара пухнă. Чăваш Ен чысне унта Патăрьел, Вăрнар, Йĕпреç, Комсомольски, Шупашкар тата Етĕрне районĕсенчи спортсменсем хÿтĕленĕ. Атлетсем хăйсене тивĕçлĕ кăтарнă: çакна 4 ылтăн, 2 кĕмĕл тата 4 бронза медаль çирĕплетет.
Чăваш Республикинчи велоспорт шкулĕн воспитанникĕсем Ижевск хулинче иртнĕ Раççей çамрăкĕсен IV Спартакиадинче маунтинбайк енĕпе икĕ «бронза» çĕнсе илнĕ.
Паян, ҫурла уйӑхĕн 4-мĕшĕнче, Етĕрне районĕнчи Совхозный поселокра Пĕтĕм Раҫҫейри лаша ӑмӑртӑвĕн "Чӑваш Ен Кубокĕ" иртрĕ. Унта Чӑваш Ен Пуҫлӑхĕ Михаил Игнатьев хутшӑнчĕ, юланутҫӑсене ӑнӑҫу сунчĕ.
Çурла уйăхĕн 2-7-мĕшĕсенче Курск облаçĕнче çуллахи XII ял спорт вăййисен Пĕтĕм Раççейри ăмăртăвĕ иртет. Ăна Тăван çĕршывăн Аслă вăрçинче Курск пĕккинчи çапăçусенче çĕнтернĕренпе 75 çул çитнине халаллаççĕ.
Паян «Хыпар» Издательство çуртĕнче «Хыпар» хаçат парнисене çĕнсе илессишĕн çулсерен йĕркелекен Пĕтĕм Раççейри турнира хатĕрленес ыйтупа йĕркелÿ ушкăнĕн пĕрремĕш ларăвĕ иртрĕ.
Ларăва «Хыпар» Издательство çурчĕн директорĕ-тĕп редакторĕ Татьяна Вашуркина, Чăваш Енри кире пуканĕ спорчĕн федерацийĕн председателĕ Юрий Карпов, РФ тава тивĕçлĕ теренерĕ Сергей Кириллов тата ыттисем хутшăнчĕç. Унта турнира ирттерес ыйтупа çыхăннă хăш-пĕр самантсене сÿтсе яврĕç.
Чăвашла верси
Русская версия
