Театрти премьера: кам вăл Аттила?
Гунсен патши. Хăçан çурални те паллă мар. Историксен шухăшĕпе — пиллĕкмĕш ĕмĕр пуçламăшĕнче. Унтанпа 1 пин те 500 ытла çул иртсе кайнă, анчах паян пурăнакансене канăçсăрлантарать, хăй патне туртать. Чылай халăх — казахсем, венгрсем, кăркăссем, ыттисем — ăна хăйсен тăхăмĕ тесе шутлаççĕ. Тен, Римшăн вăл аркатакан пулнă, анчах ыттисем хăйсене пĕрлештерекен тесе ырланă. Мĕн чухлĕ вăхăт иртет, Аттила пирки çавăн чухлĕ юмах-халап çуралать.