Камера умĕнче хамăра мĕнле тытмалла? Кулас килнине тÿрĕ эфирта епле ирттерсе ямалла? Çынсем сана ĕненччĕр тесен мĕнлерех калаçмалла? Шăпах çак тата ытти самант вăрттăнлăхĕсемпе паллаштарнă Раççей журналисчĕ, Пĕрремĕш канал телеертÿçи Максим Шарафутдинов регионсен аталанăвĕн çамрăксен «МолГород» форумĕнче ирттернĕ ăсталăх класĕнче.
Паян республика Пуçлăхĕ Михаил Игнатьев Правительство çуртĕнче Раççей Федерацийĕн Сызрань хулинчи Н.Е. Жуковский профессор тата Ю.А. Гагарин ячĕллĕ сывлăш-çар академийĕнчен вĕренсе тухнă чăваш ачисемпе, вĕсен ашшĕ-амăшĕпе, вĕрентекенĕсемпе тĕл пулчĕ.
Паян Японин Раççей Федерацийĕнчи чрезвычайлă тата полномочиллĕ посолĕ Тоехиса Кодзуки ертсе пыракан делегаци «Шупашкарти электроаппаратура завочĕ» акционер обществинче пулса курчĕ.
Вăл тата Мускаври, Санкт-Петербургри, Шупашкар районĕнчи Ишлей ялĕнчи, çĕршыври ытти хулари ултă предприяти «Шупашкарти электроаппаратура завочĕ» компанисен ушкăнне кĕреççĕ.
«Яппунсем — ир тăракан халăх, паян Мускавран ирех вĕçсе тухнă - Шупашкара çитрĕç те…» - çапла каласа пуçларĕ Михаил Игнатьев ирхи кÿлĕм Правительство çуртĕнче Япони делегацийĕпе йĕркеленĕ тĕл пулăва. Ун шучĕпе, çак енĕпе кăна мар, ытти енĕпе те яппунсем чăвашсемпе питĕ пĕрешкел. Шăпах çакă Японипе Чăваш Ен ĕçтешлĕхĕшĕн çирĕп никĕс пулма тивĕç.
Влаçпа бизнесăн уçă диалогĕ — çапла хакламалла-тăр республикăри инвестици климатне лайăхлатас енĕпе ĕçлекен канашăн ытларикун ЧР Пуçлăхĕ Михаил Игнатьев хутшăннипе иртнĕ черетлĕ ларăвне. Калаçăва «ыйту — хурав» мелпе йĕркелени пушшех енсене пĕр-пĕрне илтмешкĕн меллĕ пулчĕ. Тĕл пулăва министерствăсен, федераци службисен вырăнти управленийĕсен ертÿçисем, бизнес представителĕсем хутшăнчĕç.
Чăвашла верси
Русская версия
