Президентăн пуш уйăхĕн 18-мĕшĕнче иртмелли суйлавне хăй тĕллĕн тăратнă кандидат пулса хутшăнакан Владимир Путин ытларикун Мускавра хăйĕн шаннă çыннисемпе тĕл пулнă, унта Чăваш Ен представителĕсем те хутшăннă.
Владимир Владимировичăн республикăра шаннă çыннисем виççĕн: педуниверситет ректорĕ Владимир Иванов, Чăваш Енри Медицина ассоциацийĕн канашĕн председателĕ Елена Барсукова тата филармони директорĕ Николай Казаков.
Чăваш Енре 7 пин ытла ача шкулта икĕ сменăпа вĕренет. Чылайăшĕ — Шупашкарта. 2021 çул тĕлне иккĕмĕш сменăна пĕтерме тĕллев лартнă. Çĕнĕ шкулсем тумашкăн пурнăç хăй хистет.
Кăрлачăн 25-мĕшĕнче «Çамрăксен хаçачĕн» редакторĕн тивĕçĕсене пурнăçлакан Алина Изманпа Ольга Калитова корреспондент Чăваш Республикин ачасемпе çамрăксен вулавăшĕнчи тĕлпулăва хутшăнчĕç. Унта «Çĕнĕ ăру» клуб ĕçлет. Кăсăклă тĕппулусене республикăра кăна мар, тĕнчипе палăрнă спортсменсене, артистсене чĕнеççĕ. Пĕлтĕр студентсен шырав отрячĕпе икĕ мероприяти йĕркеленĕ.
Паян ЧР Пуçлăхĕ Михаил Игнатьев Правительство çуртĕнче Итали делегацине йышăнчĕ.
Паян республикăра Пĕрлехи информаци кунĕ иртнĕ май «Хыпар» издательство çурчĕн тĕп редакторĕн çумĕ Дмитрий Моисеев Йĕпреç районĕнче пулчĕ. Райадминистрацин информатизаципе социаллă аталану пайĕн пуçлăхĕн çумĕпе Людмила Костантăпа, «Çĕнтерÿшĕн» хаçатăн тĕп редакторĕпе Константин Алимасовпа пĕрле Пăкăян ялĕнче пурăнакансемпе тĕл пулчĕ.
Чăвашла верси
Русская версия
