Ака уйăхĕн 16-мĕшĕнче "Киров-Советск" автоçул çинче пĕчĕк автобус инкеке лекнĕ. Авари Киров хулинчен 16 километрта ирхи 3 сехет иртсен пулнă. Аманнисен шутĕнче Чăваш Енре пурăнакансем те пур. Инкекре Çĕнĕ Шупашкарта пурăннă 58 çулти арçын вилнĕ.
Тăван çĕршывăн Аслă вăрçине хутшăннă Чăваш Енри ветерансен çу уйăхĕн 3-12-мĕшĕсенче Санкт-Петербурга тÿлевсĕр кайса килме май пулĕ. Уяв парнине хатĕрлени - "РусЛайн" авиакомпани.
Паянтан 101-мĕш номерлĕ "Çĕнĕ Шупашкар-Шупашкар" маршрутпа виçĕ пысăк автобус çÿреме пуçланă. Республикăн Транспорт министерстви автобуссен хуçине, "Чăвашавтотранс" предприятие, халăх хăш вăхăтра ытларах çÿренине çирĕп сăнаса тăма, çавна кура рейссене йĕркелеме хушнă.
Çĕнĕ Шупашкар хулинчен Шупашкара ĕçе е вĕренме çÿрекенсем ирсерен транспорт кĕтсе нушаланнипе республика ертÿçисем кăсăкланнă. Ыйту çивĕчлĕхне унтисем Чăваш Ен ертÿçине Михаил Игнатьева систернĕ.
ЧР Транспорт министерствин хушăвĕпе республика территорийĕнче ака уйăхĕн 3-мĕшĕнчен пуçласа çу уйăхĕн 2-мĕшĕччен йывăр транспорта регион пĕлтерĕшлĕ тата муниципалитетсен хушшинчи çулсемпе çÿреме чараççĕ.
Чăвашла верси
Русская версия
