Вĕрентекен кунне паян 120 çĕршывра анлăн паллă тăваççĕ. Саспаллипе паллаштарма, хушма-кăларма, хутлама-пайлама тата ытти нумай ĕçе хăнăхтаракан чи çывăх çыннăмăрсем професси уявĕнче кăна мар, кулленех ырă сăмаха çеç тивĕç. Вĕсене çывхаракан уяв ячĕпе чун-чĕререн саламлатпăр, ырлăх-сывлăх, телей, ĕçре çитĕнÿ сунатпăр.
Муркаш районĕнче йăлана кĕнĕ йĕркепе пыл уявĕ иртрĕ. Унта республикăри хурт-хăмăр ăстисем, хăнасем хутшăнчĕç. Ара, пыл праçникĕнче Муркаш тăрăхĕнче кăна савăнма пулать. Кăçал вара вăл çиччĕмĕш хут халăха пуçтарчĕ.
Çак кун салан тĕп лапамĕнче ир-ирех илемлĕ юрă-кĕвĕ янăрарĕ. Кĕçех вăл капăр тумлă çынсемпе, ача-пăчапа тулчĕ. Сăмсана техĕмлĕ çимĕç шăрши кăтăкларĕ. Ял тăрăхĕсем палаткăсене илемлетнĕ, стендсем тунă.
Раççейри физкультурниксем çурлан иккĕмĕш шăматкунĕнче çулленех хăйсен уявне паллă тăваççĕ. Вĕсем çитĕнекен ăрăва сывă пурнăç йĕркине пăхăнма вĕрентеççĕ. Олимп резервĕсен ачасемпе çамрăксен Шупашкарти спорт гимнастикин шкулĕнче тренерта тăрăшакан Ольга Филиппова пурнăçне спорта халалланă.
Чăвашла верси
Русская версия
