ЧР Пуçлăхĕ ĕç тăвакан влаç органĕсен тата муниципалитетсен ертÿçисемпе паян ирттернĕ канашлура культура министрĕ Константин Яковлев уяв-кану кунĕсенче республикăра 1,7 пин ытла мероприяти иртессине çирĕплетрĕ.
Шупашкар кăна мар, районсем те айккинче юлмĕç — республика тăрăх çулçÿрев программине те йĕркеленĕ. Патăрьел, Тăвай районĕсенче çак кунсенчĕ çĕнĕ культура çурчĕсене уçма палăртнă. Республика Пуçлăхĕ вара уяв ячĕпе йышăну ирттерме палăртнă.
Çĕнĕ çулхи канмалли кунсенче Чăваш Енре «Çĕнĕ çулхи çул çÿрев» акци иртĕ. Мероприятисен программипе ЧР культура министрĕн заместителĕ Иван Архипов тата Чăваш Енри туризмпа культура центрĕн ертÿçи Максим Матросов паян каласа пачĕç.
"Анне пулсан — тĕнче хитре, атте пулсан — тĕрек çумра, çемье пулсан — телей тулли", — çакăн пек шухăш пуçа кĕрсе вырнаçрĕ паян Шупашкарти трактор тăвакансен культура керменĕче иртнĕ уявра. Кунта Амăшĕпе Ашшĕн çулталăкне савăнăçлă лару-тăрура пĕтĕмлетрĕç, "Çулталăк çемйи" республика конкурсĕн çĕнтерÿçисене чысларĕç.
Паян Шупашкарти 12-мĕш шкулта Амăшĕпе Ашшĕн çулталăкне савнăçлă лару-тăрура пĕтĕмлетрĕç. Вĕренÿ заведенийĕн директорĕ Елена Мочалова палăртнă тăрăх, кунта кăçал асăннă çулталăка халалласа чылай мероприяти йĕркеленĕ.