Паян Шупашкар районĕ Ял хуçалăхĕнче тата тирпейлекен промышленноçра ĕçлекенсен уявне пухăнчĕ. Хирти ĕç-пуçа вĕçленĕ хыççăн çулсерен палăртакан уява хальхинче муниципалитета йĕркеленĕренпе 90 çул çитнине тĕпе хурса ирттерчĕç.
Уй-хирпе фермăра, предприятисемпе социаллă учрежденисенче ырми-канми тăрăшакан пултаруллă çĕр ĕçченĕсене саламлама республика Пуçлăхĕ Михаил Игнатьев та хутшăнчĕ.
Халăх пĕрлĕхĕн кунне халалласа чÿк уйăхĕн 4-мĕшĕнче тĕп хулари Хĕрлĕ тÿремре 11 сехетре «Эпир пĕрле» митинг-концерт иртрĕ.
Çак кун пире Раççей историйĕн мухтавлă страницине — 400 çул каялли сăваплă саманта — аса илтерет. Ун чухне, 1612 çулта, Дмитрий Пожарский тата Кузьма Минин ертсе пынипе халăх ополченийĕн салтакĕсем Мускава тăшмансенчен хăтарнă.
Паян Чăваш патшалăх оперăпа балет театрĕнче Ял хуçалăх тата тирпейлекен промышленноç ĕçченĕсен кунне паллă турĕç. Уява кашни район представителĕсем хутшăнчĕç.
Паян Чăваш Енри суд приставĕсем професси уявне палăртнă.
Паян Шупашкарта, Чăваш патшалăх ял хуçалăх академийĕнче, Елчĕк ентешлĕхĕн уявĕ иртрĕ. "Манăн Елчĕк енĕм ырă çынпа пуян" ятпа йĕркеленĕскере Елчĕк районĕ 90 çул тултарнине халалланă.
Чăвашла верси
Русская версия
