вертолетсем

Республикăри катастрофа медицини тата васкавлă пулăшу центрĕ пĕлтернĕ тăрăх, Чăваш Енре кăçал больницăсем валли 5 вертолет лапамĕ хатĕрлеме палăртнă.

Вертолет лартмалли лапамсем пысăк, нумай профильлĕ организацисенче пулĕç. Вĕсем регионти санитари авиацине аталантарма пулăшĕç. Унсăр пуçне кăçал республикăна васкавлă медицина пулăшăвĕ паракан 53 автомобиль килсе çитмелле. Çакнашкал машинăсен автопаркне вара 100 проценчĕпех çĕнетĕç.