Вулакансем ыйтнипе

16 Ака, 2015

Каюрана хaратма

Пахчара каюрасем ĕрчесе кайрĕç. Çерем çинче те, çĕрулми ани çинче те. Вĕсенчен хăтăлмасан кăçал нимĕн те туса илеймĕпĕр. Канашпа пулăшаймăр-ши?

Римма КАЛИНИНА.

Етĕрне районĕ.

19 Пуш, 2015

Петрушкăран, сив курăкĕнчен - эмел

Манăн цикорий, петрушка сокĕсене ăçта сутнине пĕлес килет. Пулăшаймăр-ши?

Тамара МОСКОВКИНА.

Куславкка районĕ.

12 Пуш, 2015

Тутăр çăмĕ тăкăнать

Çĕнĕ пуховăй тутăр туянтăм. Çыхма та çук. Пĕтĕм çăмĕ кĕпе çинче. Çăмне мĕнле вырттармалла-ши?

Надежда ХАРИТОНОВĂН тепĕр ыйтăвĕ ку.

Çĕнĕ çăм япала кăштах çăмне тăкни йĕркеллĕ темелле. Анчах та çăмĕ хытах тăкăнать пулсан сăлтавĕ тĕрлĕрен.

Пĕрремĕшĕ, эсир туяннă тутăра ятарлă аппаратпа, "пушка” текенскерпе, кăпăшлантарнă. Пушкăпа кăпăшлантарнă тутăрăн çăмĕ хытă тăкăнать.

19 Нарăс, 2015

Раççей Перекет банкĕ компенсаци тÿлет

Совет вăхăтĕнчи сберкнижкăран укçа илме пулать-и? Мĕнле йĕркепе.

Рая ИВАНОВА.

Вăрмар районĕ.

Раççейĕн Финанс министерстви СССР Перекет банкĕнче уçнă кĕнекесемпе халĕ те укçа илме май пуррине пĕлтерет. СССР чухне пуçтарса кассăна хывнă укçашăн компенсаци парассипе Раççей 2021 çулччен татăлса пĕтесшĕн. Тÿлев коэффициенчĕ 4,1 виçепе.

12 Нарăс, 2015

Мульчана илмелле-ши?

Пахча çимĕç йăранĕсене хура кĕркунне юман çулçипе витнĕччĕ. Çуркунне ăна пуçтарса илмелле-и?

Ольга ВИКТОРОВА.

Çĕмĕрле районĕ.

Мульчана - кĕркунне акнă йăрансене витнĕ сие - ытлашши хулăн пулсан /10-15 см/, акнă вăрлăх мульча витĕр шăтарса тухаймасан çуркунне пуçтарса илмелле. Хăш-пĕр культурăсем тарăн аксан шăтса тухаймаççĕ. Пахча çимĕç акнă йăрансем хăвăртрах ăшăнччăр, акнă вăрлăх хăвăртрах ÿссе çимĕç патăр тесен те мульчана илни пăсмасть.

Pages