Вутра çуннă çамрăклăх

6 Юпа, 2016

«Снаряд ванчăкĕсем çумăр пек ÿкетчĕç»

Канаш районĕнче Кайри Ăнтавăш ялĕнче 93 çулти вăрçă ветеранĕ Геннадий Фомин пурăнать. 18 çулта фронта тухса кайнăскерĕн терт-нушине сахал мар курма тивнĕ. Выльăхпа пĕр витере çывăрнине, пăр çинче хырăмпа вун-вун çухрăм шунине вăл асран нихăçан та кăлармасть.

4 Çурла, 2016

Пăрланнă çăпатапа вăрманта кун каçнă

Елчĕк районĕнчи Тăрмăшра çуралса ÿснĕ, халĕ Шупашкарта кун кунлакан тĕлĕнмелле çирĕп чунлă хĕрарăмпа курса калаçни ир тăрсан та, каç выртсан та пуçран тухмасть.

21 Утă, 2016

Каска-пуленке тупнишĕн те савăннă

Мĕшĕлте пурăнакан 94 çулти Анастасия Офицеровăна вăрçă вăхăтĕнчи нушаллă пурнăçа аса илме ыйтсан кинемей тăрук шăпланчĕ те тăварлă куççульне çăтрĕ. Чунĕнчи нихăçан тÿрленеймен йывăр суранĕсене хускатнăшăн аванмарлантăм. Ăна пăхса пурăнакан хĕрĕ сăмах хушсан кăна калаçу çăмхи сÿтĕлчĕ.

14 Утă, 2016

Улăм пĕрчи те хăварман

Етĕрне хулинче пурăнакан Илларион Илларионов — 96 çулта. Хăйĕн ÿсĕмне кура мар вăл самаях кăштăртатса çÿрет. Çÿллĕ кĕлеткине стройри салтак пек тÿрĕ тытать. Мамăк пек шурă çÿçлĕскер хăйĕн ĕмĕрĕнче темĕн те тÿссе ирттернĕ, çапах чунне хуçăлма паман.

Хыр айĕнчи вилесем

23 Çĕртме, 2016

«Пĕр пичче вăрçа кайнă кун тепри вилчĕ»

Çулсем хыçа юлсан каялла çаврăнса пăхатăн та пулни-иртни тавра шухăшлатăн, савăк, чĕрере тарăн йĕр хăварнă самантсене аса илетĕн. Пурнăçра мĕн пулни ăнсăртран мар. Ырă-и вăл, начар-и — малалла талпăнмалла. Тăвай районĕнчи Çĕнçырмара пурăнакан Василий Сергеевăн ачалăхĕпе çамрăклăхĕ çăмăл килмен. Хури-шуррине чылай курнă 90 çула çывхаракан ватă.

Pages